Enis Bytyçi, djaloshi i artë! Mazreku: Jemi kualifikuar direkt për Kampionat Evropian

Atletika

Enis Bytyçi, djaloshi i artë! Mazreku: Jemi kualifikuar direkt për Kampionat Evropian

Nga: Kemajl Goca Më: 14 qershor 2022 Në ora: 15:48
Adrian Mazreku e Enis Bytyçi

Djaloshi i artë i Kosovës, Enis Bytyçi, shkëlqeu në Tivar duke u shpallur kampion i Ballkanit U-18, për disiplinën 400 metra në atletikë.

Bytyçi bëri paraqitje brilante duke e zënë vendin e parë në një konkurrencë të fortë. 

Ai me paraqitjen e tij i dha shkëlqim Kombëtares së Kosovës. Bytyçi është anëtar i klubit Malisheva.  

Kryetrajneri i Malishevës, Adrian Mazreku, tha se është rezultat fantastik.

 Ai beson e shpreson se ky djalosh do të arrijë edhe më shumë në bazë të talentit dhe punës që po e bënë.   

Me këtë fitore jemi kualifikuar direkt për Kampionat Evropian që do mbahet në Izrael në javën e parë të korrikut dhe presim të kualifikohemi në gjysmëfinale.

Jemi të vetëdijshëm se Kampionati Evropian është nivel tjetër dhe me kushtet që i ka Kosova është e vështirë të afrohemi në zonën e medaljeve sepse tek vrapimet konkurrenca është e jashtëzakonshme. 

Nëse rritet përkrahja e institucioneve në dy vitet e ardhshme synojmë medalje Evropiane. 

“Këtë garë dhe medaljen e kemi ndërruar tani e 5 vite por në këtë vit kemi qenë të sigurt se do të fitojmë sepse kemi punuar shumë për këtë rezultat”, - tha Mazreku për gazetën kombëtare “Bota sot”. 

“23 vite ekzistencë. 6 vite punë intensive me atletin Enis Bytyçi.

Medalje e artë ballkanike drejt Kampionatit të Evropës dhe botës”, shkruan në faqen KA Malisheva.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat