Gresa në telashe të mëdha, flet selektori i kombëtares së Kosovës!

Atletika

Gresa në telashe të mëdha, flet selektori i kombëtares së Kosovës!

Nga: Kemajl Goca Më: 2 korrik 2022 Në ora: 16:23
Gresa Bakraçi

Atletja e Kombëtares së Kosovës, Gresa Bakraçi, është në telashe të mëdha në Oran të Algjerisë.

A do të garojë apo jo Gresa në Lojërat Mesdhetare, ende është në dyshim, pasi që ajo po ballafaqohet me një problem shëndetësor.

Selektori i kombëtares së Kosovës në atletikë, Bajram Duja, tregon për gjendjen e saj që po përballet me një grip.

“Po e përcjellim gjendjen, besoj se do të futet në garë.

Nëse nuk ka përmirësime ose përkeqësim, ka mundësi edhe nuk futet në garë. E gjitha varet prej gjendjes shëndetësore.

Deri në shfaqjen e problemeve me fyt, stërvitjet i ka bë me rregull dhe me programin stërvitor që ia ka caktuar trajneri Adnan Demalija”, thotë Duja për gazetën kombëtare “Bota sot”. 

Gresa pritet të garojë në 1500 metra.

“Konkurrenca është shumë e fortë”, thotë Duja.

Edhe Gresa shkurt u përgjigj: “Kam problem me fyt, temperaturë”..

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat