Luiza Gega merr vlerësimin e lartë, kampiones së Europës u jepet titulli “Qytetar Nderi”

Atletika

Luiza Gega merr vlerësimin e lartë, kampiones së Europës u jepet titulli “Qytetar Nderi”

Më: 25 gusht 2022 Në ora: 13:32
Luiza Gega

Të hënën ceremonia e dorëzimit të titullit “Qytetar Nderi” të Bulqizës për kampionen e Europës, Luiza Gega.

Në qytetin e minatorëve të Bulqizës do të organizohet ceremonia e dorëzimit të titullit “Qytetar Nderi” kampiones europiane Luiza Gega.

Pas fitimit të titullit kampione e Europës, Luiza Gega është vlerësuar dhe nga Këshilli Bashkiak i Bulqizës.

Mësohet se  ditën e sotme, me konsensus të plotë i është dhënë titulli “Qytetar Nderi”, kampiones Luiza Gega.

Atletja shqiptare u shpall kampione e Europës në garën e 3000 metrave me pengesa, në Mynih të Gjermanisë.

Ajo shënoi kohën 9’11”31, në një garë që e dominoi nga fillimi e deri në fund. Një rezultat i jashtëzakonshëm për Gegën dhe atletikën shqiptare, e cila ngjitet në majën e Europës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat