Mbështetet me afro 10 mijë euro Turneu Ndërkombëtar i Boksit “Adem Jashari”

Boksi

Mbështetet me afro 10 mijë euro Turneu Ndërkombëtar i Boksit “Adem Jashari”

Më: 18 nëntor 2021 Në ora: 15:23
Mbështetet me afro 10 mijë euro Turneu Ndërkombëtar i Boksit “Adem Jashari”

Për edicionin 23-të të Turneut Ndërkombëtar të Boksit për Senior “Adem Jashari”, Ministria e Kulturës, Rinisë dhe Sportit, ka ndarë sot shumën në vlerë prej 9 mijë e 950 euro.

Mbështetja për Federatën e Boksit vjen në bazë të përcaktimeve programore të MKRS-së për avancimin, zhvillimin dhe masivizimin e sportit, si një fushë e interesit të veçantë publik.

Organizimi i Turneut Ndërkombëtar të Boksit është një ngjarje tradicionale që promovon sportin dhe Republikën e Kosovës në arenën ndërkombëtare.

Aneks memorandumi i cili mundëson këtë përkrahje u nënshkrua nga Ministri i Kulturës, Rinisë dhe Sportit, Hajrulla Çeku dhe sekretari i përgjithshëm i Federatës së Boksit të Kosovës, Latif Demolli, ndërsa në takim ishte e pranishme edhe zëvendës ministrja, Daulina Osmani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat