Shkoi një vit me shumë polemika për Haxhi Krasniqin

Boksi

Shkoi një vit me shumë polemika për Haxhi Krasniqin

Më: 1 janar 2022 Në ora: 12:28
Shkoi një vit me shumë polemika për Haxhi Krasniqin

Shkoi një vit me shumë polemika për Haxhi Krasniqin!

Haxhi Krasniqi nuk ka arritur ta mbajë për një kohë të gjatë titullin e kampionit të botës.

Boksieri kosovar e humbi brezin e artë në pjesën e dytë të vitit 2021.

Ai u mposht nga DominicBoesel në rimeçin e zhvilluar në Magdeburg të Gjermanisë.

Dy prej tre gjyqtarëve vendosën për fitoren e boksierit gjerman, i cili u bë kështu kampion i ri i botës.

Mirëpo, 34 vjeçri nga Juniku u befasua me vendimin dhe më pas u ankua për këtë.

Ai konsideroi se iu vodh titulli i kampionit të botës.

“Bëra gjithçka që duhej të bëja dhe nuk humba. Është shumë e trishtueshme për boksin gjerman. Ju mund ta shihni që unë mund të fitoja vetëm duke e nokautuar. E gjithë bota e pa që unë fitova. Ndihem i vjedhur”, kishte thënë Krasniqi pas meçit.

Ai ka bërë ankesa në Federatën Gjermane të Boksit dhe ka paralajmëruar padi.

Krasniqi e kishte fituar titullin IBO në peshat gjysmë të rënda në vitin 2020.

As rreth 5 mijë tifozë në Magdeburg nuk u pajtuan me vendimin e gjyqtarëve, sepse në sytë e tyre pati vetëm një fitues; Krasniqi, prandaj i fishkëllyen fitores së Bosel.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat