Marrëveshja me Whyte duket e pamundur

Boksi

Marrëveshja me Whyte duket e pamundur

Më: 18 janar 2022 Në ora: 14:00
Marrëveshja me Whyte duket e pamundur

Marrëveshja për të mbrojtur titullin kampion bote në peshën e rëndë ndaj Dillian Whyte duket e vështirë për t’u arritur për Tyson Fury. Dy boksierët britanikë ende nuk po gjejnë gjuhën e përbashkët për sa i përket anën financiare dhe sot është afati i fundit për të arritur një kompromis.

Whyte kërtkon një ndarje 60-40 të të ardhurave në favor të Fury, ndërsa ky i fundit kërkon që paratë të ndahen 80-20 në favorin e tij, duke qenë se mban titullin kampion (kategoria WBC) dhe është i pamposhtur.

Gjithsesi, stafi i Fury është duke negociuar edhe me emra të tjerë dhe sipas promotorit të njohur Bob Arum, ka një Plan B. Në këtë plan janë 37-vjeçari gjerman Manuel Charr (32 fitore, 4 humbje) si dhe suedezi 38-vjeçar Robert Helenius (21 fitore, 3 humbje).

Të dy këta boksierë kanë fituar 3 përballjet e fundit në ring. Pritet që Tyson Fury, i pamposhtur në ring (31 fitore, 1 barazim) të duelojë në mars të këtij viti, në Britaninë e Madhe.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat