Magsayo e mposht Rusellin dhe i jep fund sundimit të tij shtatëvjeçar

Boksi

Magsayo e mposht Rusellin dhe i jep fund sundimit të tij shtatëvjeçar

Më: 23 janar 2022 Në ora: 11:06
Magsayo e mposht Rusellin dhe i jep fund sundimit të tij shtatëvjeçar

Boksieri filipinas Mark Magsayo i ka dhënë fund sundimit më të gjatë në boksin profesionist të burrave, duke e mposhtur Gary Rusellin për ta fituar titullin në kategorinë e lehtë në WBC.

Dy prej tre gjyqtarëve votuan në favor të Magsayos, promotor i të cilit është bashkatdhetari i vet Manny Pacquiao.

Boksieri amerikan Russell e kishte mbajtur këtë titull në ËBC që prej marsit të vitit 2015, por kjo ishte vetëm hera e gjashtë që ai luftoi për ta mbrojtur atë.

“Kjo ka qenë ëndrra ime e fëmijërisë”, tha Magsayo pas fitores habitëse në Atlantic City.

“Faleminderit për përkrahjen tifozëve filipinas. Tani jam bërë kampion i botës”, shtoi ai.

26-vjeçari, i cili është i pamposhtur, e fitoi mundësinë për të luftuar për titull pasi e nokautoi meksikanin Julio Ceja në gusht dhe fitorja e së shtunës ishte e 24-ta në karrierë.

Dy gjyqtarë i dhanë a tij fitoren 115-113, ndërsa gjyqtari i tretë votoi për barazim 114-114.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat