Media kroate: Shumë miq po i japin lamtumirën e fundit të ndjerit Xhevdet Peci

Boksi

Media kroate: Shumë miq po i japin lamtumirën e fundit të ndjerit Xhevdet Peci

Nga: K. Goca Më: 10 maj 2022 Në ora: 20:44
Media kroate: Shumë miq po i japin lamtumirën e fundit të ndjerit Xhevdet Peci

Lajmi i hidhur vjen nga Kosova, ku ka ndërruar jetë në moshën 67-vjeçare boksieri legjendar Xhevdet Peci, pjesëtar i gjeneratës së artë të klubit të boksit të Prishtinës.

Lajmin për vdekjen e Pecit e ka konfirmuar edhe ish-kapiteni i gjeneratës së artë të klubit të boksit të Prishtinës, Mehmet Bogujevci, raporton media kroate “Dnevno”.

“Peci deri pak kohë më parë ka jetuar në Amerikë dhe ende nuk është bërë i ditur shkaku i vdekjes. Shumë miq po i japin lamtumirën të ndjerit Peci përmes rrjeteve sociale.

Xhevdet Peci garoi në kategorinë 81 kg dhe ishte një nga boksierët më të respektuar në ish-Jugosllavi”, shkruan ndër të tjera media kroate.

Media boshnjake “Slobodna-Bosna”, raporton se lajmin për vdekjen e legjendës e ka konfirmuar Mehmet Bogujevci, kapiteni i gjeneratës së artë të Prishtinës.

“Karrierën e tij në boks e ka filluar në klubin Akumulatori. Ai tregoi talent të madh dhe u transferua në Prishtinë ku u bë një nga boksierët më të mirë”, shkruan më tej.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat