Spikat dueli për titullin kampion bote

Boksi

Spikat dueli për titullin kampion bote

Më: 29 qershor 2022 Në ora: 12:03
Këtë fundjavë do të zhvillohet

Këtë fundjavë do të zhvillohet në Las Vegas eventi UFC-276 në artet marciale mikse.

Spikat dueli për titullin kampion bote në peshën “featherweight” (pesha deri 66kg) mes kampionit në fuqi, Alexander Volkanovski dhe sfidantit amerikan Max Holloway.

Ky i fundit, një veteran në kafaz (23 fitore e 6 humbje) ka qenë kampion i këtij Divizioni dhe e ka humbur titullin pikërisht ndaj Volkanovski. Holloway ka humbur edhe revanshin (me vendim jo-unanim), por gjithnjë është ndjerë si i vjedhur.

“Unë kam qenë kampion në këtë sport që kur kam shkelur këtu. Jam ndjerë kampion që kur kam fituar duelin e parë apo edhe kur kam pësuar humbjen e parë. Në sytë e mi kjo gjë nuk ndryshon asnjëherë”, tha Holloway, që ka fituar dy sfidat e fundit në kafaz.

“Ky është besimi që më nevojitet për ta fituar këtë duel dhe për të rimarrë titullin e humbuer. Ndjej se ma kanë vjedhur atë titull, ndaj do të bëj gjithçka për ta rifituar atë”, u shpreh Max Holloway.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat