Bajoku, djaloshi që ia zbardhi fytyrën boksit të Kosovës 

Boksi

Bajoku, djaloshi që ia zbardhi fytyrën boksit të Kosovës 

Më: 2 korrik 2022 Në ora: 20:59
Besim Brahimi e Shpëtim Bajoku

Boksieri Shpëtim Bajoku fitoi medaljen e bronztë në Lojërat Mesdhetare, që po mbahen në Oran të Algjerisë.

Bajoku është djaloshi që ia zbardhin fytyrën boksit të Kosovës. Një medalje që i mungonte boksit të Kosovës, dhe që i jep infuzion të madh për të ardhmen. 

“Medalja e bronztë që shkëlqen si ari nga LM.

Përfaqësuesja e Kosovës në boks mori pjesë me 4 boksierë në L.M. Oran 2022 dhe arriti rezultate: Medalja e bronztë - vendi i 3-të, Shpëtim Bajoku, vendi i 5-të Bashkim Bajoku dhe 2 vende të 7-ta Lorent Murati dhe Patriot Behrami.

Shpëtim Bajoku arriti pas 31 viteve të sjell medalje nga Lojërat Mesdhetare në Kosovë.

Edhe pse në gjysmëfinale u dëmtua nga gjyqtarët në duel me boksierin vendor të Algjerisë Abdelli Yahia dhe mbeti me medalje të bronztë shkëlqimin e ka si të arit për arsye se është medalja e parë në boks e Lojërave Mesdhetare për Republikën e Kosovës.

Përfaqësuesja e Kosovës në boks e perzgjedhur nga selektori i Kombëtares Besim Brahimi  në Lojëra Mesdhetare u përfaqësua me 52 kg Bashkim Bajoku, 57 kg Lorent Murati dhe 69 kg Patriot Behrami.

Selektori Besim Brahimi u nda i kënaqur me boksin dhe formën që treguan boksierët tanë në Lojërat Mesdhetare. Drejtësinë në Lojërat Mesdhetare me notë të lartë e ndau gjyqtari ndërkombëtar Latif Demolli”, shkruan mes të tjera në faqen e Federatës së Boksit të Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat