White: Atë sfidë nuk e organizoj

Boksi

White: Atë sfidë nuk e organizoj

Më: 22 korrik 2022 Në ora: 12:03
White: Atë sfidë nuk e organizoj

Presidenti i UFC-së, Dana White nuk është dakord për organizimin e një ndeshje boksi mes boksierit britanik Tyson Fury dhe kamerunasit Francis Ngannou. Ky i fundit është kampion bote në peshën e rëndë në artet marciale mikse.

Fury, pas fitores së tij të fundit ndaj Dillian Whyte në “Wembley” qëndroi krah për krah me kampionin e peshave të rënda të UFC, Ngannou. Ata iu përgjigjën pyetjeve në lidhje me sfidën e mundshme dhe u shprehën se duan që ajo të zhvillohet.

Megjithatë, numri 1 i arteve marciale mikse nuk pajtohet me këtë ide. “Kjo sfidë nuk është e realizueshme. Dua të them, se Fury është boksieri më i mire, një nga boksierët më të mëdhenj të të gjitha kohërave. Shihni ata që ai ka mundur në ring dhe sa lehtë po i mund ata”, tha White.

“Ngannou nuk ka përvojë në ring. Nuk e di, të shohim se si do të shkojë e gjithë kjo gjë, por nuk më pëlqejnë luftimet e kryqëzimit mes një sportisti të boksit dhe një të MMA-së. Ata janë budallenj, duke harxhuar kohë e energji. Është marrëzi, por e kuptoj se ata e bëjnë për famë dhe parà”, tha Danë White.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat