Marku tregon prapaskenat për zhvillimin e sfidës në Tiranë

Boksi

Marku tregon prapaskenat për zhvillimin e sfidës në Tiranë

Më: 28 korrik 2022 Në ora: 12:59
Marku 

“Pas 5 vitesh rikthehem të dueloj në Tiranë, pasi jam përballur kudo në Europë.

Mezi pres ta shoh stadiumin plot me flamujt kuqezi”. Është kjo deklarata e dhënë në rrjetet sociale nga boksieri shqiptar Florian Marku, që më 25 gusht do të duelojë në “Air Albania” ndaj meksikanit Miguel Parra Ramirez.

Kjo sfidë është e vlefshme për titullin e përkohshëm kampion bote në kategorinë WBC Silver (pesha welter). Duke folur për zhvillimin e ndeshjes në Tiranë, Marku sqaron se si u arrit marrëveshja:

“Kam një kontratë me Sky Sports, për të zhvilluar 4 duele këtë vit dhe njëra prej tyre do të jetë në Tiranë”.

“Ata nuk donin ta zhvillonin këtë ndeshje këtu, pasi për ata ishte një risk i madh dhe nuk besonin. Kam bërë luftë që ta zhvilloj këtë ndeshje dhe të sjell këtë organizim në Shqipëri.

Ata donin ta shtynin pas një viti, por këmbëngula me zemër e shpirt dhe ia dola mbanë”, tha Marku, që numëron 11 fitore e 1 barazim në karrierë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat