Në Çikago, do të zhvillohet këtë fundjavë eventi UFC-319 në artet marciale mikse (MMA). Një event që pritet me interes për shkak të sfidës kryesore, asaj mes Dricus du Plessis dhe Khamzat Chimaev, në peshën e mesme.
Afrikano-jugori Du Plessis (23 fitore e 2 humbje në kafaz) do të mbrojë titullin kampion bote që ka fituar dy vite më parë. Për të është hera e tretë që do të mbrojë kurorën, ndaj një rivali shumë të vështirë.
Rusi Khamzat Chimaev është i pamposhtur në kafaz (14 fitore në karrierë). Ai ka mundur mjaft ikona të këtij Divizioni dhe do të kërkojë për herë të parë titullin kampion në peshën e mesme, një duel që nuk ka favoritë.
Gjithsej janë 14 duele që do të zhvillohen në këtë event, ku në kafaz do të ngjitet edhe ish-kampionia e botës Jessica Andrade.
UFC-319, duelet kryesore
Dricus du Plessis – Khamzat Chimaev
Lerone Murphy – Aaron Pico
Geoff Neal – Carlos Prates
Jared Cannonier – Michale Page
Tim Elliot – Kai Asakura