Ish-kampionia e botës rikthehet në kafaz

Boksi

Ish-kampionia e botës rikthehet në kafaz

Më: 28 nëntor 2025 Në ora: 11:41
Amanda Nunes

Tashmë është zyrtare. Luftëtarja braziliane Amanda Nunes (37 vjecare) do të rikthehet në kafaz për t’u përballur me amerikanen Kayla Harrison, për titullin kampion bote në peshën “bantamweight“ (pesha 62kg).

Dy sportistet do të duelojnë mes tyre në eventin në UFC 324, që do të zhvillohet në Las vegas më 24 janar. Nunes, ish-kampione e dyfishtë e botës në artet marciale mikse, ka një rekord prej 23 fitoresh dhe 5 humbjesh në kafaz.

Ajo rikthehet pas dy vitesh e gjysmë (qershor 2023 hera e fundit që ka dueluar). Përballë saj Kayla Harrison kampionia në fuqi e këtij Divioni, që ka një rekord prej 19 fitoresh dhe vetëm 1 humbje. Ajo e mbron për herë të parë titullin kampion fituar qershorin e këtij viti.

Presidenti i UFC-së, Dana White, njoftoi rikthimin e Nunes në një duel me 5 raunde në UFC 324. Nunes konsiderohet si një nga luftëtaret më të madhe femra në historinë e MMA-së. “E ndjeja që do të rikthehesha në kafaz”, tha Amanda Nunes.

comment Për komente lëvizni më poshtë
Sot mund të lexoni Shfletoni kopertinat