E rrahu keq Gabriel Floresin

Boksi

E rrahu keq Gabriel Floresin

Më: 14 dhjetor 2025 Në ora: 11:28
Joe Cordina

Joe Cordina është një hap më pranë ëndrrës për t’u shpallur kampion bote në dy kategori të ndryshme peshe, pas një fitoreje bindëse ndaj Gabriel Flores Jr në Kaliforni, ku triumfoi me vendim unanim të gjyqtarëve.

Boksieri nga Uellsi, ish-mbajtës i titullit botëror IBF e dominoi kundërshtarin amerikan me kontroll të plotë të duelit.

Gjyqtarët e vlerësuan ndeshjen me pikë 117-110, 115-112 dhe 114-113 në favor të Cordinas, edhe pse ai ishte dukshëm më dominant sesa sugjerojnë kartelat e pikëzimit.

Ndeshja, e zhvilluar në “Adventist Health Arena” në Stockton, ishte shpallur si eliminatore finale për titullin botëror WBO në peshën “lightweight”, titull që aktualisht mbahet nga Abdullah Mason, i cili e fitoi atë në një përballje dramatike ndaj Sam Noakes në nëntor.

Cordina, 34-vjeçar, u ndëshkua me një pikë minus në raundin e gjashtë për goditje të palejuara nga mbrapa, por edhe pas këtij momenti ai e ruajti kontrollin e plotë të duelit.

comment Për komente lëvizni më poshtë
Sot mund të lexoni Shfletoni kopertinat