Luftëtari shqiptar Gzim Selmani ka bërë një debutim spektakolar në organizatën e boksit pa doreza BKFC, duke lënë të impresionuar edhe yllin e MMA-së Conor McGregor.
Boksi pa doreza po rritet me shpejtësi në popullaritet, ndërsa Selmani debutoi në Newcastle, në një meç të kategorisë së rëndë.
McGregor, i cili është bashkëpronar në BKFC, e pëlqeu shumë paraqitjen e Selmanit.
Gzim Selmani (FKA Rezar in WWE, 4-2 in MMA): He is the REAL DEAL 😤 A devastating second-round finish earns him the 'W' in his BKFC debut!#BKFCNEWCASTLE | LIVE NOW on TrillerTV+ pic.twitter.com/7jtyyPpLUW
— TrillerTV (@Triller_TV) March 14, 2026
Luftëtari 31-vjeçar, i njohur “The Albanian Psycho”, më herët ishte pjesë e WWE, organizata e njohur e mundjes profesionale.
Në debutimin e tij në boksin pa doreza, Selmani i mbijetoi një nokdauni në fillim dhe më pas fitoi me nokaut brutal në raundin e dytë ndaj britanikut Daniel Curtin, gjë që solli reagime të shumta në mediat sportive si Bloody Elbow.
Në debutimin e tij në BKFC, Curtin e rrëzoi fillimisht në dysheme, por Selmani reagoi fuqishëm dhe gjatë raundit të parë arriti ta rrëzonte kundërshtarin tri herë..
Megjithatë, në raundin e dytë gjithçka përfundoi shumë shpejt: Selmanit iu deshën vetëm 22 sekonda për të siguruar fitoren me nokaut.