Mike Malott ka dhuruar spektakël në Edmonton, duke e nokautuar Joaquin Buckley me një goditje të fuqishme me gju në raundin e dytë, për të regjistruar fitoren e pestë radhazi në UFC.
Luftëtari kanadez i kategorisë velter shkëlqeu para tifozëve vendas në eventin UFC Fight Night 291, të mbajtur në palestrën Rogers Place në Edmonton.
Malott e përfundoi përballjen në mënyrë spektakolare, duke e rrëzuar amerikanin Buckley me një goditje me gju, në një moment që elektrizoi publikun e pranishëm.
Përveç fitores së rëndësishme dhe suksesit të pestë radhazi, Malott pati edhe një arsye tjetër për të festuar.
Për përfundimin spektakolar të duelit, ai u shpërblye me një bonus prej 100 mijë dollarësh, për paraqitjen e mbrëmjes.
Për Mike Malott, kjo ishte një natë e paharrueshme para tifozëve të tij, ndërsa Joaquin Buckley do të duhet të marrë veten pas humbjes dhe të përqendrohet në sfidat e ardhshme në karrierën e tij.