Organizata Botërore e Shëndetësisë nuk parashikon që vendet do të futin vaksinimin e detyrueshëm kundër COVID-19, tha sot zyrtarja e kësaj organizate Kate O'Brien.
"Unë nuk mendoj se ne parashikojmë që ndonjë vend të ketë vaksinim të detyrueshëm," tha O'Brien, drejtoreshë e OBSH-së për vaksinat e imunizimit dhe produkteve biologjike, në një konferencë shtypi.
"Ndoshta ka disa vende ose disa situata në vende ku rrethanat profesionale do ta kërkonin ose rekomandohet vaksinimi me forcë," tha ajo, duke shtuar se spitalet mund të jenë një shembull i tillë.
Organizata Botërore e Shëndetësisë, gjatë muajit nëntor kishte rekomanduar të mos përdoret e ilaçit antiviral remdesivir për trajtimin e pacientëve të infektuar me virusin COVID-19.
