Të paktën 14 persona kanë humbur jetën nga rrëshqitja e dheut në Afganistan

Bota

Të paktën 14 persona kanë humbur jetën nga rrëshqitja e dheut në Afganistan

Më: 4 mars 2021 Në ora: 20:22
Foto ilustrim

Të paktën 14 vetë kanë humbur jetën dhe katër të tjerë janë lënduar nga rrëshqitja e dheut në pjesën verilindore të Afganistanit, bënë të ditur sot autoritetet lokale.

Sipas organeve kompetente, viktimat ishin punëtorë në një minierë ari, njoftoi DPA.

“Orteku i borës dhe baltës u shemb në provincën malore Badakshan, në një zonë të kontrolluar nga talebanët militantë islamikë”, deklaroi një zëdhënës i guvernatorit të provincës.

Sipas tij, forcat e sigurisë dhe zyrtarët qeveritarë nuk mund të mbërrijnë në vendin e ngjarjes për shkak të paarritshmërisë së terrenit, duke shtuar se guvernatori do t’u sigurojë ndihmë familjeve të viktimave.

Në Afganistan çdo dimër dhjetëra njerëz i humbin jetët e tyre për shkak të reshjeve të mëdha të borës, pasi ka mungesë të pajisjeve dhe forcave të shpëtimit për të shpëtuar viktimat pas rrëshqitjes së tokës.

commentFirst article
Sot mund të lexoni Shfletoni kopertinat