Presidenti i Turkmenistanit ka urdhëruar shuarjen e “Portës së Ferrit”, një zjarr që digjet për dekada në një krater të madh gazi në shkretëtirë.
Gurbanguly Berdymukhamedov dëshiron që të shuhet për arsye mjedisore dhe shëndetësore, si dhe pjesë e përpjekjeve për të rritur eksportet e gazit.
Misteri rrethon krijimin e kraterit Darvaza në shkretëtirën Karakum.
Shumë besojnë se u formua kur një operacion shpimi sovjetik shkoi keq në vitin 1971. Por eksploruesi kanadez George Kourounis ekzaminoi thellësitë e kraterit në vitin 2013 dhe zbuloi se askush në të vërtetë nuk e di se si filloi.
Sipas gjeologëve vendas turkmenë, krateri i madh u formua në vitet 1960, por u ndez vetëm në vitet 1980.
Krateri është një nga atraksionet turistike më të njohura të Turkmenistanit, shkruan BBC.
“Ne po humbasim burime të vlefshme natyrore për të cilat mund të marrim fitime të konsiderueshme dhe t’i përdorim ato për të përmirësuar mirëqenien e popullit tonë”, tha presidenti në një fjalim televiziv.
Ai udhëzoi zyrtarët që “të gjejnë një zgjidhje për shuarjen e zjarrit.
Ka pasur përpjekje të shumta për t’i dhënë fund zjarrit, duke përfshirë në vitin 2010 kur Berdymukhamedov urdhëroi gjithashtu ekspertët të gjenin një mënyrë për të shuar flakët.
