Rusia kërcënon Europën, NATO në alarm, Stoltenberg takon Erdoganin

Bota

Rusia kërcënon Europën, NATO në alarm, Stoltenberg takon Erdoganin

Më: 11 mars 2022 Në ora: 10:53
Jens Stoltenberg

Sekretari i Përgjithshëm i NATO-s, Jens Stoltenberg ka mbërritur pak më parë në Antalia të Turqisë ku do të marrë pjesë në forumin diplomatik që po zhvillohet atje.

Gjatë vizitës në Turqi, Stoltenberg do të takohet edhe me Presidentin Erdogan, i cili njihet për raportet e mira që ka ma Putinin. Krahas Erdoganit, pritet që shefi i NATO-s të zhvillojë një video konferencë me Presidentin e Ukrainas Volodymyr Zelensky.

Takimet do të zhvillohen në Antalia ku një ditë më parë u zhvilluan edhe negociatat mes delegacionit ukrainas dhe atij rus, të kryesuar nga shefat e diplomacisë respektive. Siç deklaruan më pas Lavrov dhe Kuleba, negociatat dështuan. Ndërkohë që ndodhi kjo, Rusia intensifikoi sulmet në Ukrainë duke rritur numrin e të vrarëve.

Turqia ka marrëdhënie të mira diplomatike si me Ukrainën ashtu edhe me Rusinë. Nga kjo e fundit, turqit kanë blerë sistemet raketore S-400, gjë që ka çuar deri në pikën e thyerjes raportet me SHBA-të dhe Perëndimin. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat