Shefi i Shtabit të Shtëpisë së Bardhë të Presidentit të SHBA Joe Biden, Ron Klain tha se lufta në Ukrainë është “larg nga përfundimi” këtë mëngjes në një intervistë për ABC News “This Week”, shkruan CNN, transmeton Bota sot.
“Unë mendoj se ukrainasit po e fitojnë luftën rreth Kievit dhe në pjesën veriore të vendit. Dhe kjo është një meritë e jashtëzakonshme për luftimet që ata kanë bërë dhe për mbështetjen që Shtetet e Bashkuara dhe aleatët tanë të NATO-s u kanë dhënë atyre. Ne dërgojmë armë në Ukrainë pothuajse çdo ditë”, tha Klain për George Stephanopoulos të ABC.
Klain vazhdoi: “Por unë mendoj se duhet të jemi shumë të qartë. Mendoj se ka shumë prova që Putini thjesht po i nxjerr trupat e tij nga pjesa veriore e vendit për t'i ridislokuar në pjesën lindore të vendit për të rinisur një betejë atje".
"Kështu që unë mendoj se ka pasur fitore për ukrainasit deri tani, por kjo luftë, për fat të keq, nuk ka përfunduar", tha ai.
