Grusht shteti në Kinë? Marina amerikane nis urgjent “bishën” e oqeaneve në Azi

Bota

Grusht shteti në Kinë? Marina amerikane nis urgjent “bishën” e oqeaneve në Azi

Më: 27 shtator 2022 Në ora: 16:52
Foto ilustrim

Luftanija më e avancuar e marinës amerikane ndodhet tashmë në Paqësorin Perëndimor në një mision që mund të krijojë skenën për vendosjen eventuale të raketave hipersonike amerikane në rajon, ndërsa janë shtuar raportimet mbi një grusht shteti në Kinë dhe largimin e Xi Jinping nga drejtimi i qeverisë, gjë që mund të sjellë përshtjellime në zonë.

“USS Zumwalt” është e para luftanije me tre shkatërrues raketash të drejtuara me shumë misione, për të cilin Marina thotë se do të “krijojë një nivel të ri të kompleksitetit të hapësirës së betejës për kundërshtarët e mundshëm”.

Në Paqësor, një nga ata kundërshtarë të mundshëm është padyshim Kina dhe “Zumwalt” sigurisht që do të tërheqë vëmendjen e Pekinit.

“Prania e një luftanijeje do të tërheqë një interes të madh kinez, veçanërisht nëse “Zumwalt” është i pajisur me armë hipersonike”, tha analisti Carl Schuster, një ish-kapiten i marinës amerikane.

Dhe kjo kohë mund të mos jetë e largët, shkruan CNN.

Një raport i gushtit nga Instituti Detar i SHBA-së tha se “Zumwalt” do të përmirësohet vitin e ardhshëm për të akomoduar Trupin e Përbashkët Hypersonik Glide të Pentagonit (C-HGB), një sistem armësh që përdor një motor rakete përforcues për të lëshuar raketa me shpejtësi hipersonike.

Sipas një raporti të Shërbimit të Kërkimeve të Kongresit të majit 2022, “C-HGB duhet të jetë i manovrueshëm, duke e bërë më të vështirë zbulimin dhe përgjimin dhe mund të udhëtojë me shpejtësi 5 Mach (6174 km/h) ose më lart të paktën pesë herë më shpejt se shpejtësia e zërit ose deri në 13,000 milje (20,921 kilometra) në orë.

“C-HGB synon të jetë në gjendje të shkatërrojë objektivat vetëm për shkak të shpejtësisë së tij”, thuhet në raport.

“Zumwalt” mbërriti në Japoni të hënën, tha zëdhënësi i Flotës së 7-të të Marinës së SHBA-së, Lt. Mark Langford.

Një deklaratë e Marinës tha se anija luftarake i është caktuar skuadronit shkatërrues 15, skuadrilja më e madhe e shkatërruesve të Marinës së SHBA me bazë jashtë Shteteve të Bashkuara, që vepron jashtë bazës detare Yokosuka pranë Tokios.

Zumwalt “luan në një rol integral në ruajtjen e avantazhit tonë konkurrues dhe sigurimin e aleatëve dhe partnerëve tanë në rajon”, tha toger Katherine Serrano, një zëdhënëse për Skuadron e Shkatërruesve 15.

“Zumwalt” i bën “xhuxh” shkatërruesit e tjerë

Me një gjatësi prej 185 metrash dhe zhvendosje prej 16,000 tonësh metrikë, “Zumwalt” është “Luftëtari më i madh dhe i avancuar teknologjikisht në botë”, sipas një flete të dhënash të Marinës.

Në të kundërt, shkatërruesit e klasit Arleigh Burke, shtylla kurrizore e flotës amerikane, janë rreth 30 metra më të shkurtër.

Luftëtari më i madh sipërfaqësor i Kinës, shkatërruesi “Type 055” zhvendos rreth 12.000 deri në 13.000 tonë.

Por ndërsa Marina e Ushtrisë Çlirimtare Popullore të Kinës nuk mudn të përputhet me madhësinë e “Zumëalt”, ajo sigurisht që mund të fitojë një betejë për sasinë.

“USS Zumwalt është i armatosur me 80 qeliza lëshimi vertikale për raketat që mund të godasin objektivat tokësore dhe detare, si dhe raketat anti-nëndetëse, por tipi 055 ka 112 qeliza lëshimi të afta për të njëjtat detyra.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat