Disa aktivistë anti-rusë dhe ish-politikanë të Moskës janë mbledhur në Poloni për të diskutuar për përmbysjen e Vladimir Putin dhe 'eliminimin fizik' të liderit të Kremlinit.
Grupi, i cili u takua në Jablonna afër Varshavës gjatë fundjavës, tha se një revolucion dhe një luftë civile ishte mënyra e vetme për të hequr Putinin nga pushteti, me disa që sugjeruan se lideri i Kremlinit "duhet vrarë".
Aktivistë të tjerë, si avokati Alexei Baranovsky, thanë se ata që i qëndruan besnikë Putinit gjatë gjithë luftës në Ukrainë gjithashtu duhet të vriten, raporton gazeta polake Gazeta Wyborcza, raporton Daily Mail, përcjell "Bota sot".
Ish politikani rus Viacheslav Maltsev vuri në dukje se si mund të ndodhte një revolucion duke qenë se disa nga kundërshtarët e Putinit janë përfshirë tashmë në një 'luftë guerile' që synon t'i japë fund luftës në Ukrainë, e cila ka parë rreth 100,000 ushtarë rusë të vrarë.
“Qëllimi kryesor është të eliminohet fizikisht Putini”, tha gjatë takimit Maltsev, i cili u largua nga Rusia pasi Kremlini e akuzoi atë si një “ekstremist” për kundërshtimin e qeverisë.
Maltsev shtoi se vrasja e Putinit do të çonte në një luftë civile, por "nuk do të ishte aq e përgjakshme sa lufta në Ukrainë".
Një tjetër ish politikan, i cili nuk u emërua, tha: "Lufta kundër terroristëve kërkon metoda të terroristëve".
Por disa nga ish-politikanë rusë dhe aktivistë anti-Kremlin ishin kundër një plani për vrasjen e Putinit, duke thënë në vend të kësaj se lideri rus duhet t'u dorëzohet gjykatave ndërkombëtare për një gjyq për krimet e luftës të kryera në Ukrainë.
Mbledhja e aktivistëve në Poloni është një shembull tjetër i rritjes së ndjenjës anti-Kremlin, me trupat e Putinit që organizojnë rebelime kundër luftënxënësit për dërgimin e tyre në vijën e parë me mungesë furnizimesh dhe pajisjesh. Në shtator, një grup politikanësh rusë nga Moska, Shën Petersburgu dhe Kolpino rrezikuan jetesën e tyre për të kërkuar dorëheqjen e Putinit pas pushtimit të tij në kolaps.
"Ne besojmë se veprimet e Presidentit Vladimir Putin shkaktojnë dëm për të ardhmen e Rusisë dhe qytetarëve të saj", thanë ata në një deklaratë, duke shtuar:
"Ne kërkojmë dorëheqjen e Vladimir Putin nga zyra e Presidentit të Federatës Ruse".
Bisedat për rrëzimin e Putinit vijnë teksa ai përpiqet të fitojë në Ukrainë, me ushtarët e tij që pësojnë humbje katastrofike në fushën e betejës.
