LIVE: Një luftë e madhe po zhvillohet në Ukrainë/ Amerika i jep ‘goditjen’ e radhës Rusisë

Bota

LIVE: Një luftë e madhe po zhvillohet në Ukrainë/ Amerika i jep ‘goditjen’ e radhës Rusisë

Nga: Bota sot Më: 14 nëntor 2022 Në ora: 06:15 Përditësuar në ora: 19:48 më 14.11.2022
Vladimir Putin

SHBA sanksionon njerëzit dhe organizatat që ndihmuan furnizimin e Rusisë me armë

Shtetet e Bashkuara të Amerikës kanë vendosur sanksione ndaj një rrjeti subjektesh dhe individësh, për të cilët thotë se ishin të përfshirë në furnizimin e Rusisë me teknologji ushtarake, të cilat përdoren në luftën e saj kundër Ukrainës.

Departamenti i Thesarit i SHBA-së tha në një deklaratë, më 14 nëntor, se pjesë e këtyre sanksioneve është një rrjet transnacional që i mundësoi Rusisë furnizimin me armë.

Në total janë sanksionuar 14 individë dhe 28 organizata apo subjekte, si dhe janë identifikuar tetë avionë si pronë e bllokuar.

Uashingtoni ka vënë sanksione edhe ndaj firmave të mëdha industriale ushtarake në Rusi, dhe ka bërë lëvizje për të ndërprerë eksportet e komponentëve të prodhuar nga Amerika dhe teknologjive amerikane që janë përdorur në disa nga pajisjet ushtarake të Rusisë.

Kjo e ka shtyrë Kremlinin të kërkojë furnizues të tjerë ushtarakë si Irani, i cili ka furnizuar Moskën me dronë, që thuhet se janë pjesë e breshërisë së sulmeve ajrore të Rusisë ndaj Ukrainës.

"Shtetet e Bashkuara do të vazhdojnë të ndërpresin zinxhirët e furnizimit ushtarak të Kremlinit dhe t'i mohojnë Rusisë pajisjet dhe teknologjinë që i nevojiten për të zhvilluar luftën e saj të paligjshme kundër Ukrainës", tha sekretarja e Thesarit amerikan, Janet Yellen.

"Veprimet e sotme demonstrojnë përkushtimin e palëkundur të Thesarit për të vënë në shënjestër njerëzit në mbarë botën që ndihmojnë përpjekjet e Putinit dhe elitat mike që financojnë regjimin e tij. Së bashku me koalicionin tonë të gjerë të partnerëve, ne do të vazhdojmë të përdorim sanksionet tona dhe kontrollet e eksportit për të dobësuar ushtrinë ruse në fushëbetejë”, tha ajo.

Milandr, një kompani ruse mikro-elektronike që SHBA-ja thotë se është pjesë e strukturës së kërkimit dhe zhvillimit ushtarak të Moskës, u vendos në listë, si dhe tri sbjekte të lidhura me kompaninë dhe disa drejtues të saj.

Sanksionet prekën gjithashtu familjen e oligarkut miliarder, Suleiman Kerimov, i cili ishte vendosur në listën e zezë në shtator, dhe një rrjet njerëzish rreth bizneseve me të cilat ai është i lidhur.

Kerimovi konsiderohet se ka lidhje të ngushta mePutinin.

Sanksionet synojnë gruan, fëmijët dhe nipin e Kerimovit, katër firma franceze të pronave të paluajtshme të kontrolluara nga njëra prej vajzave të tij dhe disa shtetas zviceranë të lidhur me kompanitë e tij.

Midis tyre është shtetasi zviceran, Alexander-Walter Studhalter, i cili u sanksionua së bashku me biznesmenin rus, Murat Aliev, për përfshirjen e tyre me shumë kompani në rrjetin financiar të Kerimovit.

Sekretari amerikan i Shtetit Antony Blinken e përshkroi Studhalterin si "një lojtar kyç në rrjetin financiar të Kerimovit".

Përveç kësaj, Departamenti amerikan i Thesarit bllokoi edhe tetë avionë të vegjël, për të cilët tha se ishin avionë luksozë të përdorur nga familja e Kerimovit.

Sanksionet e vendosura nga Thesari i SHBA-së ngrijnë çdo pasuri që individët dhe subjektet e përcaktuara kanë në Shtetet e Bashkuara./REL

A mund t’i mbijetojë Putin luftës në Ukrainë?

Presidenti rus Vladimir Putin, e sheh aktualisht veten para një dileme të madhe. Ushtria e tij nuk mund ta fitojë më luftën në Ukrainë, por dështimi nuk është një opsion. Në regjimet autoritare, siç është sot Rusia e Putinit, humbja e një lufte të rëndësishme shkakton ndryshimin e regjimit.

Një ndryshim, të cilit Putin nuk do t’i mbijetonte. Në këto kushte, a mund të gjejë ai një mënyrë për të distancuar veten nga dështimet e tij, apo është tashmë një i vdekur i pakallur? Le ta nisim analizën fillojmë me arsyen se përse ushtria e Putinit po shkon drejt humbjes së sigurt.

Ajo nuk mund të korrigjojë dot më humbjet që pa pësuar. Duke qenë nën sulmet e përditshme të ushtrisë ukrainase, njësitë e vijës së parë po pësojnë deri në 500 të vrarë në ditë, dhe janë vetëm 1/5 e forcës së nevojshme për këtë luftë. Morali i trupave ka rënë.

Eprorët po i braktisin vartësit e tyre. Tashmë po shihen kudo skena të dorëzimin në masë. Njësitë bllokuese, detyra e të cilëve është të qëllojnë ushtarët e tjerë që përpiqen të dorëzohen, po sillen tashmë njëlloj.

Përpjekjet e Putinit presidentit rus për të rifreskuar ushtrinë e tij, duke mobilizuar më shumë se 300.000 burra nuk po funksionon ashtu siç ishte planifikuar. Rekrutët po detyrohen të  blejnë vetë rrobat, pajisjet dhe ushqimin e tyre, sepse Rusia nuk mund t’u sigurojë më as  pajisjet më thelbësore.

Por edhe nëse zgjidhen problemet logjistike me mobilizimin e shtatorit, hedhja në luftime e rekrutëve pak eksperiencë dhe shumë pak të stërvitur për të zëvendësuar veteranët shumë të motivuar dhe të mësuar në beteja, nuk është një strategji fituese.

Dhe kjo na çon tek argumenti ynë i dytë. Me më shumë se 100.000 të vdekur dhe të plagosur, Ukraina është bërë për Rusinë, një luftë e madhe. Ndërsa rusët mbështesin në shumicë ushtarët në vijën e frontit, mbështetja për Vladimir Putin dhe luftën e tij të zgjedhur është duke u zbehur ndjeshëm pas humbjeve ushtarake të njëpasnjëshme dhe numri të madh të të vdekurve.

Gati 400.000 burra u larguan nga Rusia në vend se të pranonin të rekrutoheshin, gjë që nuk është një mbështetje dhe aq e fortë ndaj statuskuosë aktuale. Ndryshimi i regjimit është duke u diskutuar tashmë. Siloviki, zyrtarët e shtetit të thellë që e vendosën në pushtet Putinin, po kërkojnë fundin e luftës në një mënyrë që të justifikojë disi gjakun e derdhur dhe paratë e harxhuara për të.

Dhe nëse Putin nuk mund të prodhojë do atë rezultat, siloviki mund t’ia ofrojnë presidentin rus publikut si një “kurban” për disfatën. Si mund të dalë ai nga kjo situatë? Nëse NATO do të hiqte dorë nga furnizimi i Ukrainës me armë dhe me të dhëna të inteligjencës në kohë reale, kushtet në fushën e betejës do të ndryshonin.

Por ndoshta as kjo nuk do të mjaftonte për të fituar. Pasi do të ishte ende një betejë midis të demoralizuarve, të rekrutuarve të pastërvitur dhe veteranëve ukrainas të kalitur nga beteja që mbrojnë shtëpitë e tyre. Por e sigurt është se një zhvillim i tillë, do t’i jepte kohë Putinit për të menduar për diçka tjetër.

Po si mund të shkaktohet ndërprerja e linjave të furnizimit nga Perëndimi për Ukrainës? Jo me forcën e armëve. Duke pasur parasysh kushtet aktuale, çdo konfrontim midis Rusisë dhe NATO-s, balanca e forcës do të anojë dukshëm në favor të kësaj të fundit.

Ndaj Putin duhet të gjejë një mënyrë tjetër për ta nxitur NATO-n të largohet me vullnetin e tij të lirë nga ndihma ndaj Kievit. Rusia Sovjetike besonte dikur tek “dezinformatsiya”, pra tek përdorimi i informacioneve të rreme për të mashtruar, demoralizuar ose manipuluar njerëzit.

Sikur të ndiqej doktrina sovjetike, sulmit në shkurt do t’i kishte paraprirë një fushatë keqinformimi, që do të justifikonte veprimet e Putinit dhe nxiste mbështetjen ndërkombëtare për pushtimin. Me arrogancën e tij, duket se Putin ka supozuar se ‘dezinformatsiya’ nuk ishte e aspak nevojshme.

Kievi do të kapitullonte brenda pak ditësh. Faktet do të flisnin vetë. E pse duhet që rusët të shqetësoheshin për një strategji shtesë? Edhe pse do të ishte e vonuar, një fushatë keqinformimi mund të hartohet dhe zbatohet ende nga Moska.

Për shembull marrim këtë skenar:ofensiva pranverore e ushtrisë së Putinit fillon me bombardimet e rënda ndaj Lviv dhe qyteteve të tjera, nga ku hyjnë furnizimet e NATO-s në Ukrainë. Synimi i hapur është ndërprerja e zinxhirit të furnizimeve që vijnë nga NATO.

Ndërsa ai i fshehtë është një “cunami” refugjatësh që dynden drejt vendeve të Evropës Qendrore. Në Evropë, mbulimi mediatik i lajmeve mbi qytetet e rrafshuara dhe i lumenjve të refugjatëve, prodhon një mbingarkesë emocionale. Ndërsa njerëzit përpiqen që të analizojnë atë që po ndodh, protestuesit kërkojnë që t’i jepet fund misionit të NATO-s për ri-furnizimin e trupave ukrainase, pasi kjo po e “detyron” Putinin të bombardojë qytetet e Ukrainës.

Më në fund, simpatizantët e Putin në Evropë kanë nisur të pëshpëritin se si një marrëveshje paqeje, qoftë edhe me shumë të meta, jo vetëm që do të ndalonte vuajtjet, por do ta kthente Evropën në kohët e arta kur gazi i lirë rus e mbante atë ngrohtë dheme çmimet shumë të ulëta.

Çfarë përshkruam? Një ngjarje emocionalisht dërrmuese. Një reagim të thjeshtëzuar ndaj ngjarjes; ndaloni bombardimet ruse përmes ndalimit të furnizimit me armë të ukrainasve. Dhe me premtimin e shpërblimit të menjëhershëm, gazi rus me çmim të lirë.

Pikërisht kështu lind një lëvizje kundër luftës. Putini ka tani në dispozicion një mënyrë jo ushtarake për të ushtruar presion ndaj NATO-s. Aftësia për të ushtruar një presion të tillë, nuk do të thotë automatikisht se presidenti rus do të marrë atë që dëshiron.

As Vladimir Putin dhe as njerëzit e tij, nuk kanë treguar shkathtësinë politike të nevojshme për ta bërë funksionale këtë skemë. Por nga ana tjetër kjo s’do të thotë se Putin nuk do të përpiqet. Me ushtrinë e tij të rifreskuar dhe me drejtuesit e strukturave të sigurisë që po i kërkojë me ngulm veprim, çfarë opsionesh të tjera i mbeten atij në dispozicion?

Shënim: George Walsh ka qenë pjesëtar aktiv i Ushtrisë Amerikane në vitet 1986-1989, dhe pjesë e trupave rezerviste në vitet 1989-1994. Ai është diplomuar në Shkenca Politike në Universitetin Shtetëror të Pensilvanisë.

 

Stoltenberg: Muajt e ardhshëm do të jenë të vështirë për Ukrainën

Ukraina përballet me muaj të vështirë përpara dhe kapaciteti ushtarak i Rusisë nuk duhet të nënvlerësohet, tha sekretari i përgjithshëm i NATO-s, Jens Stoltenberg.

Ai e vlerësoi “guximin e jashtëzakonshëm” të forcave të Ukrainës, të cilat rikthyen kontrollin mbi rajonin e Hersonit, dhe tha se mbështetja ndërkombëtare për Kievin duhet të vazhdojë.

“Muajt e ardhshëm do të jenë të vështirë. Qëllim i [presidentit rus, Vladimir] Putin është ta lërë Ukrainën në të ftohtë dhe në terr këtë dimër”, tha Stoltenberg në një konferencë për media në Hagë.

“Ne nuk duhet të bëjmë gabim dhe ta nënvlerësojmë Rusinë”, tha ai, duke shtuar se forcat ruse “kanë kapacitete të konsiderueshme”, si dhe “një numër të madh trupash”.

Tërheqja e Moskës nga Hersoni “dëshmon guximin e jashtëzakonshëm të forcave të armatosura të Ukrainës”, por tregon edhe “mbështetjen tonë të vazhdueshme për Ukrainën”, tha shefi i NATO-s.

Ushtria ruse mori kontrollin e Hersonit shumë shpejt pasi nisi pushtimin e Ukrainës, në fund të shkurtit.

Pas disa referendumeve të paligjshme që mbajti në shtator, Rusia e aneksoi atë, së bashku me tri rajone të tjera ukrainase.

Por, javëve të fundit, Ukraina shënoi fitore të mëdha në fushëbetejë, duke i vënë forcat ruse nën presion.

Ato u tërhoqën të premten nga Hersoni, ku më pas hynë trupat ukrainase.

Presidenti i Ukrainës, Volodymyr Zelensky, tha se hetuesit kanë zbuluar më shumë se 400 krime lufte në zonat e Hersonit, pas largimit të forcave ruse.

Stoltenberg tha se forcat ruse “kanë dëshmuar brutalitet ekstrem”.

“Keni parë skena të tmerrshme nga territoret e çliruara dhe sulme pa dallim ndaj civilëve dhe infrastrukturës kritike”, u tha Stoltenberg gazetarëve.

Nuk është e qartë nëse ai iu referua Hersonit në mënyrë specifike./REL

Familje prej katër anëtarësh të plagosur nga shpërthimi i minës në Kherson

Një fëmijë 11-vjeçar është në mesin e të plagosurve pasi një minë shpërtheu në Kherson të sapoçliruar, ka thënë një zyrtar ukrainas, përcjell Bota sot.

Familja prej katër anëtarësh kishte qenë duke udhëtuar me makinë kur pajisja shpërtheu, sipas Kyrylo Tymoshenko, nënkryetar i Zyrës së Presidentit.

"Terroristët rusë lanë pas shumë mina dhe tela", tha ai.

“Ne i kërkojmë pa u lodhur njerëzve që të jenë të kujdesshëm dhe të përmbahen nga udhëtimet në ato rrugë që ende nuk janë kontrolluar nga ekspertët.

Zyrtarët ukrainas javën e kaluar paralajmëruan njerëzit që të mos kthehen në shtëpitë e tyre në rajon ende pasi masat janë ende duke marrë për ta bërë zonën të sigurt.

Ata thanë se forcat ruse kishin minuar zonën ndërsa ishin tërhequr nga pjesë të Khersonit, duke përfshirë qytetin.

​Çfarë zbuloi kundërshtari i Putinit në letrat nga burgu?

Kur Vladimir Kara-Murza njoftoi në fillim të këtij viti se po kthehej në Moskë, gruaja e tij Evgenia ishte në dijeni të rrezikut, por nuk u përpoq ta ndalonte.

Rusia pushtoi Ukrainën dhe më pas e shpalli krim ta quante luftë. Mijëra protestues u arrestuan. Vetë Kara-Murza ishte një kundërshtar i vendosur i Presidentit Vladimir Putin dhe një kritik i zëshëm i tmerreve të kryera nga ushtria ruse.

Megjithatë, aktivisti i opozitës këmbënguli se ai duhet të jetë në Rusi. Ai tani është i burgosur dhe i akuzuar për tradhti dhe gruaja e tij nuk është lejuar të flasë me të që nga prilli, raporton BBC.

Në një seri letrash dërguar Sarah Rainsford të BBC-së nga burgu, Vladimiri – i cili ka qenë dy herë viktimë e një helmimi misterioz – thotë se nuk është penduar, pasi “çmimi i heshtjes është i papranueshëm”.

Kundërshtimi ndaj presidentit Putin ishte i rrezikshëm edhe para pushtimit, por pas shkurtit represioni u intensifikua. Pothuajse të gjithë kritikët e njohur ose u arrestuan ose u larguan nga vendi. Edhe në këtë kontekst, trajtimi që iu nënshtrua Kara-Murza është veçanërisht brutal.

Të gjitha akuzat kundër tij bazohen në fjalimin e tij kundër luftës dhe Presidentit Putin, dhe avokati i tij supozon se Kara-Murza mund të kalojë 24 vjet pas hekurave.

“Ne të gjithë e dimë rrezikun e aktiviteteve të opozitës në Rusi. Por nuk mund të rrija në heshtje dhe të shikoja gjithçka që ndodhte, sepse heshtja është shenjë bashkëfajësie”, thotë Kara-Murza nga qelia.

Ai shton gjithashtu se nuk mund të qëndronte jashtë vendit. “Nuk mendoja se kisha të drejtë të vazhdoja aktivitetin tim politik, të thërrisja njerëzit në veprim, ndërkohë që isha ulur vetëm diku të sigurt”.

Bashkëshortja Evgenia e mori vesh për herë të parë për arrestimin e tij pas një telefonate nga avokati i saj, i cili e kishte monitoruar telefonin e tij, siç bënte gjithmonë kur Kara-Murza ishte në qytet. Më 11 prill, një sinjal celular tregoi se klienti i tij ishte në një stacion policie në Moskë.

Në një moment, Vladimirit iu lejua të telefononte gruan e tij, e cila jeton në SHBA me fëmijët e tyre, sepse atje është më e sigurt. Ai kishte mjaftueshëm kohë për t'i thënë asaj të mos shqetësohej. Evgenia buzëqesh me pakuptimësinë e atij udhëzimi.

Evgenia dhe Vladimiri janë fëmijë të perestrojkës: ata u rritën në Rusi kur atje po zgjohej demokracia pas rënies së BRSS. Vladimir studioi histori në Kembrixh dhe në të njëjtën kohë filloi karrierën e tij në politikën ruse si këshilltar i reformistit të ri Boris Nemtsov.

Kara-Murza thotë se gjëja më e vështirë për të tani është largimi nga familja. "Unë mendoj për ta çdo minutë të çdo dite dhe as nuk mund ta imagjinoj se çfarë po kalojnë tani," thotë ai.

“E dua dhe e urrej këtë njeri për shkak të integritetit të tij të jashtëzakonshëm”, thotë Evgenia.

"Ai duhej të ishte atje me të gjithë ata njerëz në rrugë që u arrestuan," shton ajo, duke iu referuar rusëve që u burgosën për rebelim kundër luftës. “Ai donte të tregonte se nuk duhet të kemi frikë kur përballemi me të keqen dhe për këtë e respektoj thellësisht, e admiroj. Dhe unë mund ta vras atë!”

Vladimiri fillimisht u burgos për refuzimin për t'iu bindur urdhrave të policisë, por pasi u vu në paraburgim, paditë filluan të derdheshin.

Së pari, ai u akuzua për "përhapjen e informacionit të rremë" për ushtrinë ruse dhe "udhëheqjen e lartë".

Grupi i të drejtave të njeriut OVD-Info ka regjistruar më shumë se 100 ndjekje penale që nga miratimi i ligjit për "lajmet e rreme" në fillim të luftës: një këshilltar lokal, Aleksei Gorinov, u dënua me shtatë vjet në korrik dhe aktivisti Ilia Yashin duhet të dalë së shpejti në gjyq pasi foli për vrasjet e civilëve në Buçë.

Rasti i Vladimir bazohet në një fjalim në Arizona, ku ai tha se Rusia po kryente krime lufte në Ukrainë, duke hedhur bomba thërrmuese në lagjet e banuara dhe "bombardonte maternitetet dhe shkollat".

E gjithë kjo është vërtetuar në mënyrë të pavarur, por hetuesit rusë thonë se pretendimet e tij janë të rreme sepse ministria e mbrojtjes "nuk lejon përdorimin e mjeteve të ndaluara të luftës" dhe këmbëngul se popullsia civile ukrainase "nuk është një objektiv". Faktet në terren janë injoruar plotësisht.

Aktakuza e dytë bazohet në një ngjarje të organizuar për të burgosurit politikë, në të cilën Kara-Murza iu referua asaj që hetuesit e quajnë "politika të supozuara represive" të Rusisë.

Ai u akuzua për tradhti muajin e kaluar.

Aktivisti iu përgjigj akuzave në letrën e fundit: “Kremlini dëshiron të portretizojë kundërshtarët e Putinit si tradhtarë... tradhtarët e vërtetë janë ata që shkatërrojnë mirëqenien, reputacionin dhe të ardhmen e vendit tonë në emër të pushtetit të tyre. jo ata që rebelohen kundër tij”.

Akuza për tradhti bazohet në tre fjalime të mbajtura jashtë vendit, duke përfshirë një në të cilin Vladimir tha se kundërshtarët politikë në Rusi përballen me persekutim.

Hetuesit pretendojnë dhe foli në emër të Fondacionit Rusia e Lirë, një organizatë me bazë në SHBA që është e ndaluar në Rusi. Çdo "këshillim" apo "ndihmë" i një organizate të huaj që konsiderohet si kërcënim për sigurinë" tani mund të interpretohet si tradhti në Rusi dhe nuk është e nevojshme që të zbulohen sekrete në kontakte.

“Tradhti shtetërore për fjalime publike? Kjo është krejtësisht absurde. Ky është thjesht persekutim për fjalën e lirë. Për mendim. Jo për ndonjë krim të vërtetë”, thotë avokati i Vladimirit, Vadim Prokhorov, me telefon nga Moska.

Prokhorov thotë se Kara-Murza nuk ishte i lidhur në asnjë mënyrë me organizatën në atë kohë.

“Ky është një rast politik. Ata po përpiqen të stigmatizojnë opozitën krejtësisht normale, të civilizuar ruse”, thotë ai.

Vetë Vladimiri kujton se personi i fundit që u akuzua për tradhti për shkak të kundërshtimit politik ishte Alexander Solzhenitsyn, laureat dhe shkrimtar i Nobelit, në vitin 1974. "Gjithçka që mund të them është se jam i nderuar që jam në një kompani të tillë".

Megjithatë, Evgenia nuk mund të tingëllojë aq e qetë. Kjo nuk është hera e parë që ajo ka frikë për burrin e saj. Ai pothuajse vdiq, dy herë, në Moskë dhe burimi i helmimit të tij nuk u gjet kurrë.

Kur ai u rrëzua për herë të parë dhe përfundoi në koma në vitin 2015, Evgenia iu tha se kishte vetëm 5 për qind shanse për të mbijetuar.

Ajo e ushqeu atë në shëndet, e ndihmoi të mësonte si të funksiononte përsëri, si të mbante një lugë. Ai këmbënguli të punonte në laptop, edhe pse sëmurej çdo gjysmë ore.

“Sapo mundi të ecte, i mblodhi gjërat dhe shkoi në Rusi”. Ajo luftë është më e madhe se frika e tij”, thotë Evgenia.

Për të, kjo do të thoshte shtatë vjet gjumë me telefon. “Kisha frikë se do ta merrja atë telefonatë nga ai, ose nga dikush tjetër sepse ai nuk do të mund të fliste”.

Ajo kishte kohë që kishte hequr dorë nga bindja e burrit të saj që të mos shkonte në Moskë: protesta e saj e vetme ishte refuzimi i saj për ta ndihmuar atë të paketonte. Edhe para vizitës së tij të fundit, pas fillimit të luftës, ajo ende e shoqëronte në Francë.

"Doja që udhëtimi ynë të ishte i mrekullueshëm," kujton ajo. "E dija se çfarë do të vinte".

Që nga arrestimi i tij, Evgenia ka marrë përsipër punën e tij si aktiviste: ajo flet publikisht për luftën në Ukrainë dhe represionin politik në Rusi, si dhe për fatin e bashkëshortit të saj.

Të hënën, ai do të përurojë Nemtsov Place në Londër, rezultat i fushatës së gjatë të Kara-Murza për të nderuar mikun dhe mentorin e tij. Nemtsov u vra pranë Kremlinit në vitin 2015 në një goditje me vrap, për të cilën organizatori nuk u gjet kurrë.

Kara-Murza shpreson se një ditë Rusia do të jetë krenare për këtë emër. Marrja përsipër e punës së të shoqit është e vështirë për Evgjeninë, por i jep edhe energji.

"Unë po bëj atë që duhet që ai të kthehet te fëmijët e tij dhe që kjo luftë e neveritshme të ndalet, që ne të nxjerrim para drejtësisë regjimin vrasës," thotë ai.

Edhe Vladimir nuk heshti. Në letrat e tij të gjata, ai shkruan se është i bindur se Rusia nuk është e dënuar me regjime autokratike dhe se banorët e saj nuk janë të gjithë besnikë të trurit të Putin-it.

Ai thotë se ka marrë shumë letra nga mbështetësit që kritikojnë hapur pushtimin e Ukrainës dhe Kremlinit, të cilët ende po protestojnë publikisht pavarësisht rrezikut. Ai i bën thirrje Perëndimit të mos e izolojë atë pjesë të shoqërisë ruse që "dëshiron një të ardhme ndryshe për vendin e tyre".

Ai gjithashtu paralajmëron se lufta në Ukrainë nuk do të ndalet për sa kohë që Vladimir Putin është në pushtet.

"Për Putin-in, kompromisi është një shenjë dobësie dhe një ftesë për agresion të mëtejshëm," thotë ai. “Nëse i lejohet të dalë nga lufta dhe të mbajë fytyrën, pas një apo dy vitesh do të jemi në të njëjtën situatë si tani”.

Zelensky: Fitorja jonë po afron gjithnjë e më shumë

Presidenti Volodymyr Zelensky ka vizituar qytetin Kherson disa ditë pasi u çlirua nga trupat ukrainase. Ai ofroi inkurajim për bashkëvendësit e tij të prekur nga lufta ndërsa forcat e Kievit vazhdojnë të fitojnë terren në jug të vendit.

Ai foli me ushtarët, duke thënë se Ukraina është "duke ecur përpara" dhe gati për paqe, shkruan BBC.

“Ne të gjithë e ndjejmë se fitorja jonë po afron. Gjithmonë ka njerëz që luftojnë dhe punojnë për fitoren tonë”, theksoi Zelensky.

close

volume_off

Zelensky falënderoi ushtarët, mjekët dhe diplomatët për punën e vazhdueshme në Ukrainë që kur Rusia nisi luftën kundër fqinjit të saj më shumë se tetë muaj e gjysmë më parë.

Ushtria ukrainase arriti sukses të madh javën e kaluar ku pas kundërsulmimeve të suksesshme, rusët në rajonin jugor të Khersonit u tërhoqën nga kryeqyteti rajonal me të njëjtin emër dhe qytete të tjera në bregun e djathtë ose perëndimor të lumit kryesor Dnipro.

Humbja e Khersonit, e marrë në fazat e hershme të pushtimit, është një pengesë e madhe për Rusinë - megjithëse Moska këmbëngul se është ende territor rus.

Rusia e kishte shpallur atë qendër administrative të rajonit Kherson të aneksuar ilegalisht dhe ishte i vetmi kryeqytet rajonal që u pushtua.

Kherson u kap në mars, në një nga sukseset kryesore të hershme të Rusisë në luftë.

Rajoni ishte atëherë një nga katër që u aneksuan ilegalisht pas referendumeve të vetëquajtura që u mbajtën në shtator.

Pas çlirimit, Zelensky viziton Khersonin

Presidenti ukrainas është shfaqur në qytetin Kherson vetëm disa ditë pas tërheqjes së Rusisë, përcjell Bota sot.

Duke folur para trupave ukrainase, ai tha: "Ne po ecim përpara.

Ne jemi gati për paqe, paqe për të gjithë vendin tonë."

Zyrtarët po rivendosin shërbimet në pjesët e çliruara të rajonit Kherson, por ende paralajmërojnë banorët për rrezik

Nga: M.H.

Kreu i administratës ushtarake rajonale në rajonin Kherson ndau një përditësim mbi gjendjen e fshatrave të çliruara të dielën, duke përfshirë rregullat e vendosura sipas ligjit ushtarak dhe rivendosjen e shërbimeve kryesore.

Pavarësisht rikthimit të kontrollit ukrainas, banorët duhet të qëndrojnë jashtë zonave të çliruara së fundmi për rrezikun e sulmeve ruse, shkroi zyrtari, Yaroslav Yanushevich, në një postim në Telegram të dielën, shkruan CNN, përcjell “Bota sot”

“Ekziston një probabilitet i lartë i granatimeve të armikut në bregun e djathtë (perëndimor) të lumit Dnipro në rajonin Kherson. Ushtria ruse, kur ikën, fillon të luftojë me civilët nga pashpresa. Këtë e kemi parë vazhdimisht në shumë vendbanime të çliruara”, paralajmëroi ai.

LEXO EDHE Dimri mund të sjellë mundësi diplomatike për Rusinë dhe Ukrainën, këto janë kushtet e Zelenskyt për arritjen e paqes

Por udhëheqësit ukrainas thonë se kanë rifutur me sukses disa shërbime thelbësore në rajon.

"Tashmë ka qenë e mundur të rivendoset furnizimi me gaz natyror për më shumë se 300 banorë të vendbanimeve të çliruara të rajonit Kherson," shkroi Yanushevich.

Ai tha gjithashtu se lidhja celulare është rikthyer në qytetin e Khersonit.

"LTE nga Kyivstar (operatori celular ukrainas) po punon tashmë në qendër të qytetit në sheshin afër Administratës Shtetërore Rajonale," tha ai.

Një ekip i CNN pa një kullë komunikimi në qytetin Kherson të dielën.

Yanushevich raportoi se gjatë pushtimit rus të qytetit të Khersonit, shumica e farmacive pushuan së funksionuari. Ai siguroi se “barnatoret do të rifillojnë punën pas çminimit të territoreve”.

Rajoni mbetet nën ligjin ushtarak, tha zyrtari. Autoritetet ukrainase kanë ndaluar transportin ujor në rajon deri më 19 nëntor, duke thënë se është për mbrojtjen e banorëve.

Forcat ruse shkaktuan deri në 270 milionë dollarë dëme duke plaçkitur bazat bujqësore, pretendon deputeti ukrainas

Nga: M.H.

Ushtarët rusë vodhën 100,000 ton fara luledielli dhe misri nga një bazë bujqësore në rajonin Kherson, shkroi Oleksiy Goncharenko, një deputet ukrainas, në një postim në Facebook të dielën.

Baza ishte e vendosur në fshatin Novoraisk dhe dëmet atje ishin të mëdha, sipas ligjvënësit.

"Vetë baza është shkatërruar," shkroi Goncharenko. “Okupatorët vodhën pothuajse gjithçka që ndodhej në territorin e bazës: lëndë djegëse dhe pajisje për mbjellje, produkte për mbrojtjen e bimëve me vlerë 60 milionë dollarë, rreth 100 mijë tonë fara luledielli dhe misri”.

Goncharenko tha gjithashtu se ushtarët rusë vodhën korrëse, traktorë dhe mjete ajrore pa pilot për kultivimin e tokës. Sipas politikanit, dëmet vlerësohen nga 250 deri në 270 milionë dollarë, shkruan CNN, përcjell “Bota sot”.

"Okupatorët dëmtuan fabrikën më të madhe të shpendëve në Evropë, "Chornobaivska", shtoi ai, "Më shumë se 4 milionë pula të rritura dhe rreth 700,000 pula të reja ngordhën pa pasur mundësi për t'u përdorur".

Goncharenko postoi gjithashtu një video nga brenda bazës të marrë nga një ushtar ukrainas. Video tregon grumbuj rrënojash, pajisje bujqësore dhe automjete të grabitura.

Ushtria ukrainase thotë se ka çliruar 179 vendbanime në bregun perëndimor të lumit Dnipro

Nga: M.H.

Ushtria ukrainase thotë se ka çliruar 179 vendbanime në bregun perëndimor të lumit Dnipro gjatë javës së kaluar.

Ndërkohë, zëdhënësi ushtarak Vladyslav Nazarov thotë se rusët “vazhdojnë operacionet mbrojtëse dhe ndërtimin e fortifikimeve në bregun e majtë (lindor)” të lumit.

Sipas Nazarov, rusët kanë "14 anije në detyrë luftarake dhe një raketë transportues të pajisur me tetë raketa lundrimi gati për përdorim" të stacionuara në Detin e Zi, shkruan CNN, përcjell “Bota sot”.

“Në Detin Azov, armiku vazhdon të kontrollojë komunikimet detare duke mbajtur një anije në detyrë luftarake, dhe në detin Mesdhe janë 10 anije armike në detyrë luftarake, 5 prej tyre me raketa lundrimi Kalibr, me një total. Salvo prej 76 raketash”, tha Marina e Forcave të Armatosura të Ukrainës në Facebook të dielën.

comment Për komente lëvizni më poshtë
Sot mund të lexoni Shfletoni kopertinat