Të paktën 32 persona të vrarë në Kherson pas tërheqjes së ushtrisë ruse

Bota

Të paktën 32 persona të vrarë në Kherson pas tërheqjes së ushtrisë ruse

Më: 26 nëntor 2022 Në ora: 23:34
Kherson

Të paktën 32 persona janë vrarë në provincën jugore të Ukrainës në Kherson nga bombardimet ruse, që nga tërheqja e forcave ruse dhe pro-ruse dy javë më parë nga atje, tha sot shefi i policisë kombëtare të Ukrainës.

Forcat ruse përfunduan tërheqjen e tyre nga qyteti i Khersonit më 11 nëntor pas gati nëntë muaj pushtim.

Aktualisht forcat ruse janë të vendosur në bregun lindor të Dnieper.

“Bombardimet e përditshme ruse po shkatërrojnë qytetin dhe po vrasin banorët vendas. Në total, Rusia ka vrarë 32 civilë në rajonin Kherson që nga rimarrja”, tha shefi i policisë kombëtare Ihor Klimenko në një postim në Facebook.

“Shumë njerëz po evakuohen për të kërkuar strehim në pjesë më të qeta të vendit. Por shumë banorë mbeten në shtëpitë e tyre dhe ne duhet t’u ofrojmë sigurinë maksimale të mundshme”, pohoi ai, duke thënë se policia po vepron sërish në zonë.

commentFirst article
Sot mund të lexoni Shfletoni kopertinat