Presidenti ukrainas Volodymyr Zelensky tha në një deklaratë të hënën se mbrojtja ajrore e Kievit ka kapur shumicën e raketave.
Më herët të hënën, zyrtarët në tre rajone të Ukrainës kanë pohuar se shumica e raketave ruse të lëshuara janë kapur.
Administrata Ushtarake e Qytetit të Kievit tha se 10 raketa ishin identifikuar që fluturonin mbi Kiev.
“Paraprakisht, nëntë prej tyre u kapën”, thuhet në njoftim.
Në rajonin e Dnipropetrovsk, Valentyn Reznichenko, kreu i administratës ushtarake, tha se mbrojtësit nga Komanda Ajrore “Lindje rrëzuan 15 raketa ruse.
Dhe Dmytro Lunin, guvernatori i rajonit të Poltava në Ukrainën qendrore, tha në Telegram se nuk ka pasur goditje në Poltava. Sipas tij, mbrojtja ajrore ka qenë e shkëlqyer. Deri në dhjetë raketa ruse u kapën.
