Sot është mbajtur ceremonia private dhe disi e fshehtë e kreut të grupit mercenar rus Wagner, Yevgeny Prigozhin.
Në përcjelljen për në banesën e fundit morën pjesë qindra persona, edhe pse në mesin e tyre nuk ishte presidenti rus Vladimir Putin.
Siç është bërë e ditur edhe më parë nga Kremlini, prezenca e Putinit nuk ishte planifikuar në këtë ceremoni varrimi.
E derisa në tërë botën akoma po spekulohet për arsyet e rrëzimit të aeroplanit brenda të cilit gjendje Prigozhin, pritet që zyra e hetimeve në një moment të zbulojë shkaqet.
Ndërkohë lajmi se në vendin ku ka ndodhur rrëzimi i aeroplanit është “rrafshuar” ka bërë bujë të madhe.
CNN raporton se ai vend është rrafshuar me buldozerë.
“Vendi ku u rrëzuar aeroplani është rrafshuar plotësisht me tokë nga buldozerët, që në shikim të parë të duket sikur nuk është rrëzuar fare ndonjë aeroplan këtu”, tha gazetari Matthew Chains i cili aktualisht gjendet në Rusi.
Siq tregojnë edhe pamjet nga vendi i ngjarjes, në një moment në zonën e “pastruar” ku disa ditë më parë gjendeshin copëzat e aeroplanit, ka mbetur vetëm një gurë i mbuluar me lule.
Kujtojmë që aeroplani u rrëzua më 23 gusht, kurse kur ekipi i CNN-it arriti në vendin e ngjarjes të hënën në mëngjes, të gjitha copat e aeroplanit ishin larguar.
Ajo zonë ishte rrafshuar nga buldozerët, qëndronte vetëm një memorial i vogël i improvizuar me lule dhe emblemën e grupit Wagner.
