Objekti bërthamor Fordo ‘i vështirë’ për t’u shkatërruar, thotë një ish-inspektor bërthamor

Bota

Objekti bërthamor Fordo ‘i vështirë’ për t’u shkatërruar, thotë një ish-inspektor bërthamor

Nga: M.L. Më: 18 qershor 2025 Në ora: 10:52
Foto ilustrim

Fizikani bërthamor dhe ish-inspektori i OKB-së për çështjet bërthamore, David Albright, thotë se objekti nëntokësor bërthamor i Iranit – Fordo – ndodhet 80 metra (262 këmbë) nën tokë dhe është “shumë i vështirë për t’u shkatërruar”, shkruan BBC transmeton "Bota sot".

Duke folur për emisionin "BBC Radio 5 Live Breakfast", ai shpjegon se përvojat në Irak ndihmuan Agjencinë Ndërkombëtare të Energjisë Atomike të zhvillojë “metoda jashtëzakonisht të mira për hetimin e programeve sekrete”.

Ai shton: “Tani që Izraeli po godet, besoj se Izraeli mund ta nxjerrë këtë objekt jashtë funksioni për një kohë të gjatë. SHBA mund ta shkatërrojë plotësisht.”

Albright, i cili është gjithashtu themelues i Institutit për Shkencë dhe Siguri Ndërkombëtare në Uashington, thotë se Fordo është vetëm “një nga objektet më të fuqishme” bërthamore.

Por nuk është i vetmi, shton ai, dhe për këtë arsye nuk duhet të ekzagjerohet rëndësia e tij.

Fordo fillimisht u ndërtua si pjesë e programit të përshpejtuar të armëve bërthamore të Iranit në fillim të viteve 2000.

comment Për komente lëvizni më poshtë
Sot mund të lexoni Shfletoni kopertinat