Policia arreston kampionin pak orë para garës pas një sherri në hotel

Çiklizëm

Policia arreston kampionin pak orë para garës pas një sherri në hotel

Më: 25 shtator 2022 Në ora: 18:04
Mathieu Van del Poel

Një ngjarje e pabesueshme ka ndodhur në Kampionatin Botëror të Çiklizmit, event që po zhvillohet në Australi. Policia vendase ka arrestuar çiklistin holandez Mathieu Van del Poel, 4 herë kampion bote në garat e çiklizmit dhe çiklo-krosit.

Gjithçka ka ndodhur pas një incidenti që ai ka patur me fqinjët e hotelit ku ishte akomoduar, një natë parta garës së sotme, ku dhe ishte favorit për medalje. Lajmin e shpërndanë fillimisht mediat vendase dhe më pas e konfirmoi vetë çiklisti.

“Është e vërtetë. Pati një mosmarrëveshje në hotel. U shtriva herët, por disa fëmijë ishin të pasjellshëm dhe nisnin të trokisnin në çdo derë në korridorin e hotelit. Në një moment situate u bë e padurueshme dhe u kërkova të mos e bënin më këtë gjë”, tha Van del Poel.

“Nuk isha shumë i sjellshëm kur u bërtita dhe këtu në Australi janë të rreptë. Ata lajmëruan policinë dhe më morën me vete. Kur u sqaruan gjërat ishte ora 4 e mëngjesit, jo ora ideale për t’u përgatitur për një garë. Një tmerr, por s’mund të ndryshoj asgjë”, tha çiklisti.

Van del Poel u lirua me kusht dhe më pas mori pjesë në garë, por pas 32 kilometrash u tërhoq. Gjithsesi, ai nuk mund të largohet nga Australia, pasi të martën do të dalë para gjykatësit. Ndërkohë që, autoritetet australiane i kanë sekuestruar pasaportën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat