Rritje e dukshme e të hyrave nga pagesa e ujit

Ekonomi

Rritje e dukshme e të hyrave nga pagesa e ujit

Më: 12 nëntor 2021 Në ora: 17:04
Foto ilustrim

Ministria e Mjedisit, Planifikimit Hapësinor dheInfrastrukturës ka njoftuar se gjatë dhjetëmujorit të këtij viti, të hyrat nga pagesat ujore janë shënuar rritje, për 120 për qind krahasuar me periudhën e njëjtë të vitit të kaluar, duke e arritur vlerën 1,417,352.53 euro.

Sipas ministrisë, nëse krahasohen me periudhën e njëjtë kohore të vitit 2019, kjo është për 478 për qind më e lartë (sa ishte 245,072.96 euro).

“Nëse krahasohet me periudhën e njëjtë të viti 2018, kjo rritje është për 110 për qind në të cilën periudhë janë arkëtuar 674,789.43 euro. Pas marrjes së masave ligjore nga Ministria Mjedisit, Planikimit Hapësinor dhe Infrastruktuërs, rreth 770 për qind e operatorëve ekonomik, kanë raportuar dhe pjesa më e madhe u janë përgjigjur pagesës së tarifave të shfrytëzimit të arkëtimit të ujit.

Me përfundimin e afatit ligjor për raportim, për kompanitë që nuk u janë përgjigjur kërkesave ligjore, është nxjerrë një vendim për krijimin e grupit punues për përllogaritjen e sasisë maksimale të kapacitetit të plotë sipas kërkesës maksimale për shfrytëzimin/shkarkimin e ujit nga këto kompani. Zbatimi i Ligjit nr.04/L-147për ujërat e Kosovës, respektivisht Udhëzimit Administrativ nr. 06/2021, për strukturën e pagesave të ujit nuk ka alternativë tjetër”, thuhet në ministri.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat