BQK dhe STIKK diskutojnë për fushat e veprimit të përbashkët

Ekonomi

BQK dhe STIKK diskutojnë për fushat e veprimit të përbashkët

Më: 22 prill 2022 Në ora: 15:22
Foto nga takimi

Zëvendësguvernatori i Bankës Qendrore të Republikës së Kosovës, Sokol Havolli, priti në takim drejtoreshën ekzekutive të Shoqatës për Teknologji Informative dhe Komunikimit të Kosovës (STIKK), Vjollca Çavolli.

Në këtë takim, u diskutua për fushat e bashkëpunimit të ndërsjellë ndërmjet dy institucioneve në fushën e promovimit të sektorit të teknologjisë informative dhe komunikimit (ICT).

BQK dhe STIKK u dakorduan që së bashku të hartojnë një marrëveshje të bashkëpunimit për shkëmbimin dhe publikimin e informacionit dhe të dhënave statistikore lidhur me sektorin e ICT-së.

Synim kryesor i kësaj marrëveshje është mbledhja e statistikave dhe informacioneve specifike për këtë sektor me qëllim të analizimit dhe promovimit të këtij sektori.

Orientimi fillestar është që të publikohen të dhënat lidhur me tregtinë e shërbimeve të sektorit të ICT-së por edhe volumin e financimit nga sektori financiar vendor për sektorin e ICT-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat