Një makinë ka marrë flakë në ecje në afërsi të fshatit Gramsh në autostradën Rrogozhinë-Lushnjë.
Mësohet se mjeti tip "Lancia y10" ka dalë nga rruga për shkak të flakëve.
Si pasojë ka mbetur i dëmtuar shoferi i automjetit dhe një bashkë-udhëtar tjetër të cilët janë dërguar në spital.
Nuk dihet ende gjendja e tyre shëndetësore.
Ndërkohë mësohet se zjarrin e kanë shuar familjarët e banesës afër vendit ku ndodhi aksidenti.
Policia ndodhet në vendin e ngjarjes ndërsa grupi hetimor po punon për zbardhjen e rrethanave te aksidentit.