Dhuna në familjet kosovare po vazhdon, e viktima kryesisht po janë gratë.
Përveç që po rrahen nga burrat e tyre, të cilët shumë herë po lirohen nga Policia, gratë po sulmohen edhe nga familjarët e tjerë.
Një rast i tillë ka ndodhur dje, në Fushë Kosovë, rreth orës 18:00, kur një grua është sulmuar fizikisht nga kunati dhe djali i tij i mitur, i moshës 8-vjeçare.
Për shkak të lëndimeve, viktima është dërguar për tretman mjekësor, kurse i dyshuari është arrestuar dhe me vendim të prokurorit dërgohet në mbajtje për 48 orë.
