Personi i kërkuar në Shtime, arrestohet nga policia

Kronikë e zezë

Personi i kërkuar në Shtime, arrestohet nga policia

Më: 4 dhjetor 2021 Në ora: 11:03
Foto ilustrim

Policia e Kosovës ka arrestuar një 38-vjecar që ishte në kërkim të Policisë së Kosovës, në Shtime. 

Ndaj tij, kishte urdhëresë nga Gjykata Themelore në Ferizaj për veprën penale “posedim i paautorizuar i narkotikëve, substancave psikotrope dhe analoge”, me dënim burgimi prej gjashtë muajsh. 

Ai është dërguar në vuajtje të dënimit. 

Njoftimi i plotë: 

Patrulla e stacionit policor në Shtime nga Drejtoria Rajonale e Policisë në Ferizaj, sot në orët e hershme të mëngjesit 01:20 në Shtime, ka ndaluar një person me inicialet SH.B (M/K) 38 vjeçar.

Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’Posedim i paautorizuar i narkotikëve, substancave psikotrope dhe analoge ’’, me dënim burgimi prej gjashtë (6) muajve.

I njëjti është shoqëruar në stacionin policor në Ferizaj dhe pas kompletimit të dokumentacionit është dërguar në vuajtje të dënimit.

Drejtoria Rajonale e Policisë në Ferizaj , do të vazhdojë me realizimin e urdhëresave të gjykatës ndaj personave që ende nuk iu kanë përgjigjur thirrjes së gjykatës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat