Policia i zë në flagrancë duke vjedhur tre hajna në Mitrovicë

Kronikë e zezë

Policia i zë në flagrancë duke vjedhur tre hajna në Mitrovicë

Më: 14 janar 2022 Në ora: 09:41
Ilustrim

Tre persona në Mitrovicë janë zënë në flagrancë duke vjedhur nga Policia e Kosovës.

Kjo është bërë e ditur me anë të një komunikate për media nga Policia e Kosovës.

Kjo e fundit bën të ditur se të dyshuarit janë zënë duke vjedhur në një shtëpi.

“Një rast i veprës penale ‘vjedhje e rëndë’ është raportuar në orët e mbrëmjes të datës 13 janar 2022, në Stacionin Policor Jugu në Mitrovicë, njësitet policore kanë arritur që në flagrancë të arrestojnë tre personat e dyshuar”, ka thënë policia.

“Arrestimi i tre të dyshuarave është bërë mbi dyshime të arsyeshme dhe prova të siguruara se tre të dyshuarit në rrugën “ Driton Veliu” duke përdorur forcën kanë hapur derën e shtëpisë së ankuesit ku kanë vjedhur një kalorifer dhe një kompjuter. Sendet e vjedhura janë sekuestruar dhe do te procedohen në rast si prova materiale”, thuhet tutje në komunikatë.

Të dyshuarve pas intervistimit me aktvendim të prokurorit të rastit u është u është caktuar masa e ndalimit policor, ndaj tyre është iniciuar rast për veprën penale “vjedhje e rëndë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat