Përsëritet historia e Tahirsylajt: Mitrovicacit i hakohet Facebook-u, po kërkohen para në emër të tij

Kronikë e zezë

Përsëritet historia e Tahirsylajt: Mitrovicacit i hakohet Facebook-u, po kërkohen para në emër të tij

Më: 5 tetor 2022 Në ora: 09:57
Foto ilustrim

Një histori e ngjashme si ajo e Sylë Tahirsylajt ka ndodhur dje në Mitrovicë.

Një personi në Mitrovicë i është marrë qasja në llogarinë e tij në facebook nga persona të panjohur.

Në emër të këtij personi po kërkohen 1500 euro.

Raporti i plotë policor:

Mitrovicë 03.10.2022 – 10:00. Më 04.10.2022 ankuesi mashkull kosovar ka raportuar se një person i panjohur pa autorizimin e tij i kishte marr qasjen e llogarisë së tij në facebook dhe është duke kërkuar para në vlerë 1500€ në emër të tij. Rasti në procedurë hetimore.

Para pak javësh, profesorit të meteorologjisë, Sylë Tahirsylaj, sot iu hakua llogaria e rrjetit social në Facebook, ku persona të panjohur kanë kërkuar para kinse i duhen për shërim.

Vajza e tij, Donika, ka bërë thirrje që njerëzit të mos bien pre e matrapazëve dhe se babai i saj është shëndosh e mirë.

“Ju njoftojmë se babai jonë, Sylë Tahirsylaj, është shëndosh e mirë dhe nuk është i hospitalizuar në spital. Keni kujdes, mos bini pre e matrapazëve, të cilët po kërkojnë të holla në emër të familjes për shërimin e babait tonë”.

“Pasuordi i Facebookut i është thyer dhe keqbërësit po e keqpërdorin emrin e tij, duke kërkuar të holla në emër të tij dhe familjes! Keni kujdes që të mos bini pre e këtyre matrapazëve”.

Ajo, mes tjerash, ka bërë të ditur se llogaria e profesorit tashmë është bllokuar.

Shkodran Imeraj ka publikuar një mesazh që kishte marrë nga personat që i kishin hakuar llogarinë Tahirsylajt, ku i kërkoheshin 1500 euro.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat