Vdekje e dyshimtë në Partesh: Gjendet pa shenja jete një burrë, ishte mbyllur në shtëpinë e tij

Kronikë e zezë

Vdekje e dyshimtë në Partesh: Gjendet pa shenja jete një burrë, ishte mbyllur në shtëpinë e tij

Më: 4 qershor 2023 Në ora: 08:09
Foto ilustrim

Një rast i rëndë ka ndodhur të shtunën në një familje në Partesh, ku një burrë është gjetur pa shenja jete, në shtëpinë e tij. Viktima u gjet i vdekur i shtrirë në dhomën e tij, pasi dikush nga familjarët e njoftoi Policinë se i njëjti ishte mbyllur brenda dhe dyshohej se ishte në rrezik për jetën.

Burimet e media nga Emergjenca kanë bërë të ditur se pas denoncimit të rastit, në vendin e ngjarjes ka dalë ekipi mjekësor, ku pas ekzaminimit për shenja vitale, është konfirmuar se viktima ka ndërruar jetë.

Sipas mëson Sinjali, viktima ka qenë i moshës rreth 59-vjeçar, teksa akoma nuk dihen rrethanat në të cilat ka vdekur. Pasi u konstatua vdekja e tij, trupi i pajetë është tërhequr për t’u dërguar në IML për obduksion.

Lidhur me rastin, Policia ka marrë disa deklarata të dëshmitarëve dhe pas përfundimit të procedurave policore, me urdhër të Prokurorit të Shtetit kanë nisur hetimet për vdekjen e tij dhe zbardhjen e rrethanave të rastit.

Media do të iu mbajë të informuar me detajet e reja.

commentFirst article
Sot mund të lexoni Shfletoni kopertinat