25 vjeçari rrihet keq - i grabiten varësja e 10 mijë eurove, portofoli e telefoni

Kronikë

25 vjeçari rrihet keq - i grabiten varësja e 10 mijë eurove, portofoli e telefoni

Më: 2 mars 2024 Në ora: 10:40
Foto ilustrim

Një 25 vjeçar është rrahur dhe grabitur mbrëmë pas mesnate nga tre persona në afërsi të Parkut të Qytetit në Prishtinë.

Ngjarja ka ndodhur në ora 01:25 minuta.

25 vjeçari ka deklaruar në Policinë e Kosovës se me forcë atij i është grabitur një varëse që thotë se ka pasur vlerë 10 mijë euro, portofoli dhe telefoni.

Burime brenda autoriteteve të sigurisë bëjnë të ditur se viktimës i është ofruar trajtim mjekësor në vendin e ngjarjes dhe është dërguar për trajtim të mëtejmë në Qendrën Klinike Universitare të Kosovës.

Viktima në Polici i ka përshkruar grabitësit të veshur me duksa, sipas tij, dy me ngjyrë të zezë dhe njëri me ngjyrë kafe.

comment Për komente lëvizni më poshtë
Më të lexuarat
Sot mund të lexoni Shfletoni kopertinat