Policia e Kosovës ka bërë të ditur një rast në Greme të Ferizajt të mbajtjes në pronësi, kontroll, ose posedim të paautorizuar armës dhe përdorim i armës apo mjetit të rrezikshëm.
Në njoftimin për media bëhet e ditur se Njësiti i Hetimeve të stacionit policor në Ferizaj, në bashkëpunim me Njësitin e Forenzikës, ka kryer kontroll në shtëpinë e të dyshuarit N. M, 24 vjeç në fshatin Greme, pas dyshimeve për posedim të paautorizuar të armës zjarri.
Gjatë kontrollit janë sekuestruar dy armë zjarri (pistoleta).
“Hetimet paraprake kanë konfirmuar përfshirjen me armë zjarri në një video-incizim të siguruar nga policia. Me autorizim të prokurorit të shtetit, ndaj të dyshuarit janë iniciuar rastet penale për ‘Mbajtje në pronësi, kontroll, ose posedim i paautorizuar i armës’ dhe ‘përdorim i armës apo mjetit të rrezikshëm’”, thuhet në njoftim.
Pas intervistimit në prani të avokatit mbrojtës, i dyshuari është liruar në procedurë të rregullt.
