Një person i gjinisë mashkullore është gjetur pa shenja jete mesditën e së dielës në fshatin Soponiçë të Kaçanikut.
Viktima është e moshës 46 vjeçare.
Lajmin e ka konfirmuar zëdhënësi i policisë Kanun Veseli.
Ai tha se rasti është iniciuar si “Hetim mbi vdekje”.
Njoftimi i plotë:
Sot, më datë 09.11.2025, rreth orës 13:50, kemi pranuar një informacion lidhur me një person pa shenja jete në fshatin Soponiçë të Kaçanikut.
Në vendin e ngjarjes kanë dalë mjekët e QKMF Kaçanik, të cilët kanë konstatuar se viktima, mashkull rreth 46 vjeç është pa shenja jete. Po ashtu, në vendin e ngjarjes kanë dalë njësitet policore nga stacioni policor Kaçanik, krim-teknikët dhe hetuesit rajonal.
Në konsultim me prokurorin e shtetit, është iniciuar rasti “Hetim mbi vdekjen”.
Për informata shtesë lidhur me rastin, do të njoftoheni me raport në vijim.
