Një person është arrestuar pasditen e së dielës në Podujevë, nën dyshimin se ka shtënë me armë gjatë një ahengu familjar.
Sipas raportit të Policisë së Kosovës, i dyshuari mashkull kosovar është ndaluar rreth orës 16:39, ndërsa nga ai është sekuestruar një pistoletë me gas. Nga incidenti nuk raportohet për persona të lënduar.
Me vendim të prokurorit kompetent, pas inicimit të rastit, i dyshuari është liruar në procedurë të rregullt.
"Podujevë / 21.12.2025 – 16:39. Është arrestuar i dyshuari mashkull kosovar për shkak se i njëjti dyshohet se kishte shtënë me armë gjatë një ahengu familjar. Nga i dyshuari është sekuestruar një pistoletë me gas. Me vendim të prokurorit pas inicimit të rastit i dyshuari është liruar në procedurë të rregullt", thuhet në raportin e Policisë së Kosovës.