Ushtronte dhunë ndaj nënës së tij, arrestohet 24-vjeçari në Shtime

Kronikë

Ushtronte dhunë ndaj nënës së tij, arrestohet 24-vjeçari në Shtime

Më: 7 maj 2026 Në ora: 17:58
Foto ilustrim

Është arrestuar një person për sulm, kanosje dhe dhunë në familje ndaj nënës së tij në Shtime.

“Më datën 07.05.2026, rreth orës 13:20, në stacionin policor në Shtime është paraqitur një grua, e cila ka raportuar se ishte viktimë e dhunës fizike dhe kanosjes nga djali i saj. Viktima kishte pranuar edhe trajtim mjekësor në Qendrën Kryesore të Mjekësisë Familjare”, thuhet në komunikatën për media të Policisë së Kosovës.

I dyshuari 24-vjeçar është shoqëruar në stacionin policor në Shtime dhe është intervistuar nga hetuesit e Njësisë së Dhunës në Familje.

Për rastin është njoftuar prokurori i shtetit, i cili ka urdhëruar ndalimin e tij për 48 orë për procedura të mëtejshme hetimore.

comment Për komente lëvizni më poshtë
Më të lexuarat
Sot mund të lexoni Shfletoni kopertinat