Krimi në Mitrovicë: I dyshuari sulmoi dy vëllezër, viktimën e goditi me thikë në fyt

Kronikë

Krimi në Mitrovicë: I dyshuari sulmoi dy vëllezër, viktimën e goditi me thikë në fyt

Më: 28 maj 2026 Në ora: 09:10
Policia

Një vrasje e rëndë ka ndodhur mbrëmjen e së mërkurës në Lagjen e Romëve në Mitrovicë, ku një 37-vjeçar mbeti i vdekur nga therja me thikë.

I dyshuari, sipas Prokurorisë Themelore në Mitrovicë, përpos që ka privuar nga jeta 37-vjeçarin, dyshohet se ka plagosur me thikë edhe vëllanë e viktimës.

Bazuar në njoftim, viktima ka pësuar plagë në fyt, dhe si pasojë nuk ka mundur të iu përballojë lëndimeve dhe ka humbur jetën.

I dyshuari është arrestuar dhe me vendim të prokurorit kujdestar për Krime të Rënda, i njëjti është dërguar në mbajtje.

Prokuroria Themelore në Mitrovicë, brenda afatit të paraparë ligjor, për të dyshuarin do të paraqet kërkesë për caktimin e masës së paraburgimit.

comment Për komente lëvizni më poshtë
Më të lexuarat
Sot mund të lexoni Shfletoni kopertinat