Festën më të dashur
Kombëtare të vitit,
Do ta presim mbyllur
Për hir të Kovidit!
Për hir të shtetit
Që s’mërzitet hiq,
Kur s’na lë Flamurin
Ta festojmë me ligj!
Kovidi dhe shteti
Ecin n’dy binarë,
Kush nuk i përmbahet
Kapet si shqiptar!
Përkundër ligjeve
E masave shtetërore,
Festa e Flamurit
Nuk lihet pas dore!
Do t’festoj Lugina
Në kohë pandemie,
Me Flamurin lart
N’kulm të çdo shtëpie!
Le të plasin masat
Si kripa në furrë,
Jemi ne shqiptarët
Vdesim për Flamur!
Vdesim për pushtet
Gjithë sipas nevojës,
E dini meselenë
E kalit të Trojës?!
