Lule për nënën

Kultura

Lule për nënën

Nga: Dea Halimi Më: 8 mars 2021 Në ora: 12:42
Dea Halimi

Në zemrën tënde zgjohem çdo ditë yll,

Pemë me degë në qiell plot me mollë,

Flutur e bukur agojë e ik për në shkollë

Me lulen e zemrës tënde - ylber në prill.

Ylber është buzëqeshja jote, nënë;

Je drita ku fshihem e prapë shihem te ti,

Atdhe je, liri je dhe gjithnjë dashuri.

Ëndrra më e bukur, me yll e me hënë,

Je zjarri i gjakut, lulëzimi i lules në sy.

Me fat dita e gruas, nënë, në këtë mars.

Më mbaj për dore

Në zemrën time është një pemë

Në atë pemë ka shumë yje farfuritës

Njëri nga yjet është syri yt, mami

Më mbaj për dore, mami

Pa ty do të jetoja në një shkretëtirë

Çdo gjë do të ishte e pakuptimtë

Një hapësirë e djegur nga vetmia e vet

II Të ta ndej aromën

Mami ti je ajo që e zbukuron shtëpinë

Pa ty do të ishte vetëm një re e zezë e zymtë

Asnjë të qeshur aspak muzikë

Vetëm trishtim vetëm dëshpërim

Më përqafo mami e unë të qesh

e unë të fluturoj qiellit të pafund të ëndrrës

Dua të ta ndej aromën e shpirtit, mami

Mos më lë vetëm

Mami, mos me lë kurrë vetëm.

Shpirti im është ndezur flakë.

Si do të mbizotërojë drita mbi mua,

Po nuk qe ti të të puth, të të dua.

Mami, mos me lë vetëm,

Në këtë vetmi, në këtë natë.

Shfaq komentet
comments powered by Disqus
Sot mund të lexoni Shfletoni kopertinat