Një ditë mëngjesi në largësi
Larg shumë larg
Përtej adriatikut
I zgjuem herët në mëngjes
Me një kafe përpara
Cigaren e kam ndezur
Shikoi tymin e duhanit
Që del nga goja ime
Tymi po ngjitet me shpejtësi
Shpejtësi marramendëse
Ngjitet larg, shumë larg
Shkon atje ku mendoi unë
Në Dardani e Shqipëri
Gjakovë në vendlindjen time të dashur
Atje të vendi i shqiponjave
Shtangur kam mbetur tuj shiku
Shikoi larg, shumë larg
Sytë e mi duan të ushqehen
Por nga këtu larg nuk ushqehen dot
S'gjejnë ushqimin e tyne
Kërkojnë të ushqehen
me natyrën e bukur pitoreske të vendit tim
Siç janë ushqyer më parë
Atje ku të imponuar e të shtyer padrejtësisht nga të tjerët
Para më shumë se tri dekada, pa dashje lamë vendin tonë
Të parët tanë, tokën e bekume
Lumnej, bjeshkë, fusha e ara
Duket se më mungon shikimi
Por, shikimin e kam
Këtu s'shoh asgjë, askënd
Gjithçka më duket e huaj, e ftohtë
Pa ndjenjë gëzimi e buzëqeshje
S'shoh bukuritë përrallore
Bukuritë e fëminisë time
Bukuritë e ëndrrave të mia
Bukuritë e vendit tim të dashur, Gjakovës
Sytë shikojnë çuditshëm
Shikojnë e depërtojnë
Me mprehtësi si shpata
Duket se kanë prerë bjeshkët
Kapërcejnë kodra, fusha, male
Kanë shterrë detin, oqeanin
Lumenjt, liqejt,
Depërtojnë e depërtojnë
S'ka të ndalun shikimi i mprehtë
Lotë e tij shkrijnë gjithçka
Gjithçka që u del përpara
Kanë mall të pashuar
Janë mbushur plotë mall
Lotojnë deri sa të shtërrohen
Nuk ushqehen, s'shërohen dot
As atëherë kur krejtësisht mbyllen
MBYLLEN PËRGJITHMONË!
Falënderim dhe mirënjohje për poetin e spikatur Z. Agim Desku!
Vargje përshëndetëse!
Agim Desku krijues letrar
Vlerë kombëtare thesar me ar
Dora e tij kurrë s'pushon
Vepra t'pasura na dhuron
Profesor i kahmotshëm
Vigjilent dhe i devotshëm
Radio Shkelzeni po i pret
Vargjet tua me plotë shëndet
Të lumtë pena edhe mendja
Poeti jonë t`u gëzoftë zemra
Të urojmë shumë shëndet
Jetëgjatësi ooo Agim, i madhi poet!
