Shqiptari këndon

Kultura

Shqiptari këndon

Nga: Esad Mekuli Më: 22 qershor 2021 Në ora: 00:46
Xherdan Shaqiri

Shekuj mbi ne

e në ne

e mbushën jetën plot vnerë

që pezm

e zjarr kryengritës

ndër zemrat tona m’u ngri

që njeriu mo të jetë-njeri:

emri të na zhduket përherë.

Qemë-jo njerzë

po robë;

pa bukë, liri n’uzdajë,

në vatrën tonë

pa shtëpi

në plangun tonë

argatë!

Qemë-

turq, dreqën me bishta,

qemë-rajë

që t’hiqet në vargoj

të mjerimit

të përbuzur-shiftarë!

qemë…

por koha-luftë

shëron varrët çdo ditë:

mbas natës së errët

të shekujve-

hap krahët koha e re…

Po, jemi gjallë!

Dielli dhe për ne shëndrit…

(Nga përmbledhja “Vjersha”, Prishtinë, 1973)

commentFirst article
Sot mund të lexoni Shfletoni kopertinat