Për ty Heroinë!

Kultura

Për ty Heroinë!

Nga: Idriz Çelaj Më: 12 shtator 2021 Në ora: 22:53
Heroina

Heroinë, shpirti i babit

Unë nuk arrita të të mbrojë Ty

Ti dole fluturimthi prej shtëpisë

Para secilës flutur të pranverës

Kur u nise në agimin e parë mëngjesor

Të shikoja kah fluturoje

Së bashku me këngën e bilbilave

Se ishe vet bilbili i Dardanisë

Mua ma ndale edhe atë pak frymë që kisha

Që e rujtëm bashkë më nënën nëpër krojet e Rugovës

Të rritëm për të parë sot bashkë se si do luaje me Kosovën

Sikur atëherë kur ishe e vogël e luajshe rrugëve të shtëpisë

Vrapoje pas lojërave të topit me moshatarët e tu dardanë

E ne kënaqeshim kur dilnim në oborr, kur ti luaje lojën e volejbollit

Ah bre Heroina e babit më duket sikur po flas me engjëjt

E ata po të thërrasin vetëm ty me lujtë me ekipet e Amerikës

Heroinë përse më the babi unë po iki

Pse mu përbetove në në fuqinë e perëndive

T`i them nënës mos më qajë

I porosite motrat të bëhen të forta

Vëllaut do t`i them mburru me veprat e motres

Shokëve të lojës do ju them se Heroina sërish do të luan

Në Republikën e Kosovës.

Shfaq komentet
comments powered by Disqus
Sot mund të lexoni Shfletoni kopertinat