Klithma e nëntokës

Kultura

Klithma e nëntokës

Nga: Dedë Preqi Më: 18 shtator 2021 Në ora: 13:55
Dedë Preqi

Edhe palët e saj trëndën në thellësi

Kur i nxjerr ofshet e dhimbjeve të ashtit

Zëri i klithmave thërret n’përmbytje

Sytë e nënëlokeve vërbohen në pritje.

Hapu tokë palë palë deri në fshehtësi

Liroj ata zogj nga vetmia në errësirë

Pse u ke vënë peshë engjëjve të perëndisë

E mbi kockat e tyre korbat ia thojnë dollisë.

QËNDRESA E NËNLOKEVE TONA

(1999)

Ishte një ushtri e çmendur dhe e tërbuar

Edhe fëmijët trishtoheshin nga britmat

Uluronin si ujqit të dehur e të droguar

Na i zgurdullonin sytë e na i drejtonin tytyt.

Ishte kohë e vështirë, e shdërruar në sopatë

Nuk pyeste për lisa të njomë apo të thatë,

Sikur gjithë mëllefin nuk e zbrazën në tërësi

Ata i vodhën edhe kufomat i fshehën në Serbi.

Mos harroni bijt e lokës shënone datën nën lëkurë

Ajo kohë e të çmendurve mos u ktheftë më kurrë,

Nuk dëshiroj fëmitë t’anë ta shohin tymin në dritare

Dhe loti i nënëlokeve të mos pushojë ndër varre.

Shfaq komentet
comments powered by Disqus
Sot mund të lexoni Shfletoni kopertinat